വണ്ടി മറിഞ്ഞ് യുവാവിന് പരിക്ക്

ശ്രീകണ്​ഠപുരം: പ്രളയം കാരണം തേർലായിൽനിന്ന്​ പൊക്കുണ്ടിലേക്ക് മാറിത്താമസിച്ചവർക്ക് ഭക്ഷണവുമായി പോയ വണ്ടി അപകടത്തിൽപ്പെട്ടു. ശിഹാബ് തങ്ങൾ റിലീഫ് വളൻറിയർ കെ.വി. അഫ്​സലിനെ (38) സാരമായ പരിക്കുകളോടെ തളിപ്പറമ്പ് ആശുപത്രിയിൽ പ്രവേശിപ്പിച്ചു. തേർതലയിൽ നിയന്ത്രണം വിട്ട വണ്ടി താഴ്​ചയുള്ള റബർ തോട്ടത്തിലേക്ക് മറിയുകയായിരുന്നു. വണ്ടിയുടെ ഒരു ഭാഗം പൂർണമായി തകർന്നിട്ടുണ്ട്​.