ടേബ്​ൾ ടോപ്​: കരിപ്പൂരിനെതിരെ വ്യാപക പ്രചാരണം; ആരോപണം തള്ളി കേന്ദ്രമന്ത്രി

കരിപ്പൂർ: കോഴിക്കോട്​ വിമാനത്താവളത്തിൽ എന്തെങ്കിലും സംഭവിക്കുന്നതോടെ ഒരു വിഭാഗം ആളുകൾ ഉടൻ രംഗത്തെത്തും. കരിപ്പൂർ ടേബ്​ൾ ടോപ്​ വിമാനത്താവളമാണെന്നും അതിനാലാണ്​ അപകടങ്ങൾ നടക്കുന്നതെന്നുമാണ്​ ഇവർ വ്യാപകമായി നടത്തുന്ന പ്രചാരണം. കരിപ്പൂർ വിമാനത്താവളം അടച്ചുപൂട്ടി​ വ്യോമ താവളമാക്കണ​െമന്ന പ്രചാരണം വരെ നടക്കുന്നുണ്ട്​. സമൂഹ മാധ്യമങ്ങളിൽ നടക്കുന്ന പ്രചാരണം പൂർണമായി തള്ളു​കയാണ്​ കേന്ദ്ര വ്യോമയാന മന്ത്രി അടക്കമുള്ളവർ. ആരോപണം ശരി​യല്ലെന്നും സമാന വിമാനത്താവളങ്ങൾ ഇന്ത്യയിലും ലോകത്തി​ൻെറ വിവിധ ഭാഗങ്ങളിലുമുണ്ടെന്നാണ്​ മന്ത്രി ഹർദീപ്​ സിങ്​ പുരി വ്യക്​തമാക്കിയത്​. ഇവിടെ ​എല്ലാ വിമാന സർവിസുകളും സുഗമമായി നടക്കുന്നുണ്ട്​. മന്ത്രി വി. മുരളീധരനും ഇതിനെതിരെ രംഗത്തെത്തി. അപകടത്തിന്​ കാരണം ടേബ്​ൾ ടോപ് റൺവേ അല്ലെന്ന്​ ഇൗ രംഗത്തുള്ള പലരും വ്യക്​തമാക്കി. കരിപ്പൂരിൽ 32 വർഷത്തിനിടെയിലാണ്​ ആദ്യമായാണ്​ ഇത്രയും വലിയ ദുരന്തം സംഭവിക്കുന്നത്​. ഇൻറർനാഷനൽ സിവിൽ ഏവിയേഷൻ ഓർഗനൈസേഷൻ (​െഎ.സി.എ.ഒ) തയാറാക്കിയ എയ്റോഡ്രാം ഡിസൈൻ മാന്വൽ പ്രകാരമാണ് അന്താരാഷ്​ട്ര തലത്തിൽ വിമാനത്താവളങ്ങളുടെ ക്ലാസിഫിക്കേഷൻ നിർണയിക്കുന്നത്. കൃത്യമായി നവീകരിക്കുന്ന ഐക്കാവോയുടെ ഒരു രേഖകളിലും ടേബ്​ൾ ടോപ് എന്ന പ്രയോഗമില്ലെന്ന് വ്യോമയാന രംഗത്ത് പ്രവർത്തിക്കുന്നവർ പറയുന്നു. വലിയ വിമാനങ്ങളായ ബി 747-400 ജംബോജെറ്റ്​, ബി 777-300 ഇ.ആർ എന്നിവയെല്ലാം നിരവധി തവണയാണ്​ കരിപ്പൂരിൽനിന്ന്​ സർവിസ്​ നടത്തിയത്​. എല്ലാ മാനദണ്ഡങ്ങളും കൃത്യമായി പരിശോധിച്ച​ ശേഷമാണ്​ ഇവർക്ക്​ ഡി.ജി.സി.എ അനുമതി നൽകിയത്​.