പരിയാരത്ത് ഞായറാഴ്ചകളില്‍ സമ്പൂര്‍ണ ലോക്ഡൗണ്‍

കണ്ണൂർ: പരിയാരം ഗ്രാമപഞ്ചായത്തില്‍ കോവിഡ് സമ്പര്‍ക്കവ്യാപനം വര്‍ധിച്ചുവരുന്ന സാഹചര്യത്തില്‍ ഞായറാഴ്ചകളില്‍ കര്‍ശന നിയന്ത്രണം ഏര്‍പ്പെടുത്തിയതായി അധികൃതര്‍ അറിയിച്ചു. ഇനിയൊരു അറിയിപ്പുണ്ടാകുന്നതുവരെ ഞായറാഴ്ചകളില്‍ സമ്പൂര്‍ണ ലോക്ഡൗണ്‍ ആയിരിക്കും. ഇരുചക്രവാഹനങ്ങളില്‍ ഒന്നില്‍ കൂടുതല്‍ പേര്‍ യാത്ര ചെയ്യരുത്. 60 വയസ്സ് കഴിഞ്ഞവരും 10 വയസ്സിന് താഴെയുള്ള കുട്ടികളും വീടിന് പുറത്തിറങ്ങരുത്. ശരിയായ രീതിയില്‍ മാസ്‌ക് ധരിക്കാത്തവര്‍ക്കെതിരെയും കോവിഡ് മാനദണ്ഡങ്ങള്‍ പാലിക്കാത്ത വ്യാപാര സ്ഥാപനങ്ങള്‍ക്കെതിരെയും കര്‍ശന നടപടി സ്വീകരിക്കുന്നതാണെന്നും പഞ്ചായത്ത് അധികൃതര്‍ അറിയിച്ചു.