പെയ്​തൊഴിയാതെ ദുരിതം

കണ്ണൂർ: ജില്ലയിൽ നാലു​ ദിവസമായി തുടരുന്ന ശക്തമായ മഴയിലും ചുഴലിക്കാറ്റിലും കനത്ത നാശം തുടരുന്നു. മഴക്കും കാറ്റിനും പിന്നാലെ ശനിയാഴ്​ച ചിലയിടങ്ങളിൽ ഉരുൾപൊട്ടിയതും നാശത്തി‍‍ൻെറ ആഴം കൂട്ടി. കനത്ത മഴയുടെ പശ്ചാത്തലത്തിൽ ജില്ലയിൽ ഞായറാഴ്​ചകൂടി കാലാവസ്ഥ വകുപ്പ്​ ഒാറഞ്ച്​ അലർട്ട്​ പ്രഖ്യാപിച്ചു. ഉ​രു​ള്‍​പൊ​ട്ട​ല്‍ സാ​ധ്യ​ത നി​ല​നി​ല്‍​ക്കു​ന്ന​തി​നാ​ല്‍ ക്വാ​റി​ക​ളു​ടെ പ്ര​വ​ര്‍​ത്ത​ന​ത്തി​ന് ജി​ല്ല ഭ​ര​ണ​കൂ​ടം താൽക്കാ​ലി​ക വി​ല​ക്ക് ഏ​ര്‍​പ്പെ​ടു​ത്തി. ചെ​ങ്ക​ല്‍, ക​രി​ങ്ക​ല്‍ ക്വാ​റി​ക​ള്‍ ആ​ഗ​സ്​റ്റ്​ 14 വ​രെ പ്ര​വ​ര്‍​ത്ത​നം നി​ര്‍​ത്തി​വെക്കണ​മെ​ന്ന്​ ക​ലക്​ടർ ഉത്തരവിറക്കി​. മ​ല​യോ​ര മേ​ഖ​ല​യി​ല്‍ ഉ​രു​ള്‍​പൊ​ട്ട​ല്‍ ഭീ​ഷ​ണി നി​ല​നി​ല്‍​ക്കു​ന്നു​ണ്ട്. അ​പ​ക​ടസാ​ധ്യ​ത​യു​ള്ള മേ​ഖ​ല​യി​ല്‍നി​ന്ന്​ ആ​ളു​ക​ളെ സു​ര​ക്ഷി​ത കേ​ന്ദ്ര​ത്തി​ലേ​ക്ക് മാ​റ്റുന്നത്​ ശനിയാഴ്​ച രാത്രി വൈകിയും തുടരുകയാണ്​. ജി​ല്ല​യി​ലെ മ​ല​യോ​ര മേ​ഖ​ല​യി​ല്‍ കൃ​ഷിനാ​ശ​വും സം​ഭ​വി​ച്ചി​ട്ടു​ണ്ട്. ശ്രീകണ്​ഠപുരം, ഇരിക്കൂർ മേഖല വെള്ളപ്പൊക്കത്താൽ ഒറ്റപ്പെട്ടു​. കൊട്ടിയൂർ-വയനാട്​ ചുരം റോഡിൽ ശനിയാഴ്​ച രാവിലെ മണ്ണിടിഞ്ഞ്​ ഗതാഗതം തടസ്സപ്പെട്ടു. പറശ്ശിനി മഠപ്പുര മുത്തപ്പൻ ക്ഷേത്രത്തിൽ വെള്ളം കയറി. കൂടുതൽ ദുരിതാശ്വാസ ക്യാമ്പുകൾ റവന്യൂ വകുപ്പി‍‍ൻെറ മേൽനോട്ടത്തിൽ തയാറാക്കുകയാണ്​. കോവിഡ്​ വ്യാപനത്തി‍‍ൻെറ പശ്ചാത്തലത്തിൽ ഇത്തവണ കൂടുതൽ ക്യാമ്പുകൾ സജ്ജമാക്കും.