കാറ്റിലും മഴയിലും ഷിപ്​യാഡ് ഷെഡ്​ തകർന്നു

ഒരു ബോട്ടിനും കേടുപറ്റി അഴീക്കോട്: ശക്തമായ കാറ്റിലും മഴയിലും അഴീക്കൽ കപ്പക്കടവിൽ പ്രവർത്തിക്കുന്ന സുൽഖ ഷിപ്​യാഡ് തകർന്നു. തളങ്കര അബ്​ദുൽ ഹക്കീമി​ൻെറ ഉടമസ്ഥതയിലുള്ള സ്വകാര്യ കപ്പൽ നിർമാണ കേന്ദ്രത്തിലെ യാഡി​ൻെറ അനുബന്ധമായുള്ള ഷെഡാണ് ചൊവ്വാഴ്​ച അർധരാത്രിയോടെ ഉണ്ടായ കാറ്റിലും മഴയിലും തകർന്നത്​. യാഡിൽ നിർമാണത്തിലിരിക്കുന്ന ഒരു ബോട്ടിനും കേടുപറ്റിയിട്ടുണ്ട്. മൊത്തം 70 ലക്ഷം രൂപയുടെ നഷ്​ടം കണക്കാക്കുന്നു. ലോക്​ഡൗൺ ആയതോടെ അടഞ്ഞുകിടക്കുന്ന ഷിപ്​യാഡി​ൻെറ പ്രവർത്തനം നാളിതുവരെ പുനരാരംഭിച്ചില്ല. 50 ഓളം തൊഴിലാളികൾ ലോക്​ഡൗണിന് മുമ്പ്​ നാല് ഷെഡുകളിലായി ജോലി ചെയ്​തുവരുകയായിരുന്നു.