പഴകിയ മത്സ്യം പിടികൂടി

അഴീക്കോട്: വൻകുളത്തുവയലിൽ ഭക്ഷ്യസുരക്ഷ ഉദ്യോഗസ്ഥർ നടത്തിയ മിന്നൽ പരിശോധനയിൽ . വൻകുളത്തുവയൽ ടൗണിലെ ന്യൂ മാർക്കറ്റിൽ പ്രവർത്തിക്കുന്ന മീൻമാർക്കറ്റിൽനിന്നാണ്​​ ഉപയോഗശൂന്യമായ മത്സ്യം പിടികൂടിയത്. മത്തി, അയല തുടങ്ങിയ മത്സ്യങ്ങളാണ് പിടിച്ചെടുത്തത്. യു. ജിതിൻ, ഡോ. ധനുശ്രീ, സുരേഷ് ബാബു, സുരേഷ് കുമാർ, മുഹമ്മദ് ഇസ്​ഹാക്ക്, പ്രിയേഷ് എന്നിവർ പരിശോധന സംഘത്തിൽ ഉണ്ടായിരുന്നു. 60 കിലോയോളം പഴകിയതും ഫോർമാലിൻ കലർന്നതുമായ മത്സ്യങ്ങളാണ് പിടികൂടി നശിപ്പിച്ചത്. ഭക്ഷ്യസുരക്ഷ വകുപ്പ് ലൈസൻസ് ഇല്ലാതെ പ്രവർത്തിക്കുന്ന മത്സ്യവിൽപന കേന്ദ്രമായതിനാൽ സ്ഥാപനം അടച്ചുപൂട്ടുന്നത് ഉൾപ്പെടെ കർശന നിയമനടപടി സ്വീകരിക്കുമെന്ന് ഉദ്യോഗസ്ഥർ അറിയിച്ചു.