മാക്കൂട്ടം വനമേഖലയിൽ ഉരുൾപൊട്ടൽ

തൊട്ടിപ്പാലത്ത് ഒമ്പത്​ കുടുംബങ്ങളെ മാറ്റിപ്പാർപ്പിച്ചു ഇരിട്ടി: മാക്കൂട്ടം വനമേഖലയിൽ ഉരുൾ പൊട്ടിയതായി സംശയം. തൊട്ടിപ്പാലം പുഴയിൽ ക്രമാതീതമായി വെള്ളം ഉയർന്നതിനെത്തുടർന്ന് മേഖലയിൽ പുഴയോരത്തോടുചേർന്ന് താമസിക്കുന്ന ഒമ്പത്​ കുടുംബങ്ങളെ ഇവിടെ നിന്നും മാറ്റിപ്പാർപ്പിച്ചു. ബുധനാഴ്ച വൈകീട്ടാണ്​ കേരള -കർണാടക അതിർത്തിയിലെ മാക്കൂട്ടം വനമേഖല പങ്കിടുന്ന തൊട്ടിപ്പാലം പുഴയിൽ ജലവിതാനം ക്രമാതീതമായി ഉയർന്നത്. മേഖലയിൽ ശക്തമായ മഴ തുടരുന്നതിനാൽ പ്രദേശവാസികൾ ജാഗ്രത പാലിക്കണമെന്ന് ഇരിട്ടി തഹസിൽദാർ കെ.കെ. ദിവാകരൻ അറിയിച്ചു.