കോവിഡ് ഫസ്​റ്റ്​ ലൈൻ ട്രീറ്റ്മെൻറ് കേന്ദ്രം കലക്ടർ സന്ദർശിച്ചു

കോവിഡ് ഫസ്​റ്റ്​ ലൈൻ ട്രീറ്റ്മൻെറ് കേന്ദ്രം കലക്ടർ സന്ദർശിച്ചു പെരിന്തൽമണ്ണ: പി.ടി.എം ഗവ. കോളജിൽ കോവിഡ് ഫസ്​റ്റ്​ ലൈൻ ട്രീറ്റ്മൻെറ് സൻെറർ കലക്ടർ കെ. ഗോപാലകൃഷ്ണൻ സന്ദർശിച്ചു. കോളജിൽ വനിത ഹോസ്​റ്റലിൽ 100 ബെഡുള്ള ഹാൾ ഒരുങ്ങി. സമീപത്ത് 50 ബെഡുള്ള മറ്റൊരു ഹാളും തയാറാണ്. പെരിന്തൽമണ്ണയിലെ ഐ.എസ്.എസ് സ്കൂളും കോവിഡ് ഫസ്​റ്റ്​ ലൈൻ ട്രീറ്റ്മൻെറ് സൻെററാക്കാനുള്ള തീരുമാനമുണ്ട്. ഇതിനകം നടത്തിയ ഒരുക്കങ്ങളിൽ കലക്ടർ തൃപ്തി അറിയിച്ചു. ജില്ല മെഡിക്കൽ ഒാഫിസർ ഡോ. കെ. സക്കീന, പെരിന്തൽമണ്ണ തഹസിൽദാർ പി.ടി. ജാഫറലി എന്നിവർ ഒപ്പമുണ്ടായി. നഗരസഭ സെക്രട്ടറി അബ്​ദുൽ സജീം, ഹെൽത്ത് ഇൻസ്പെക്ടർ ദിലീപ്കുമാർ, ആരോഗ്യ സ്ഥിരംസമിതി അധ്യക്ഷൻ പത്തത്ത് ആരിഫ് തുടങ്ങിയവർ സ്ഥലത്തെത്തി. ചികിത്സ കേന്ദ്രത്തിൽ ഭക്ഷണം അടക്കം മറ്റു സൗകര്യങ്ങൾ നഗരസഭ ഏർപ്പാടുചെയ്യുമെന്ന് കലക്ടറെ അറിയിച്ചു. വില്ലേജ് ഓഫിസറില്ലാത്തത് ജനങ്ങളെ വലക്കുന്നു പെരിന്തൽമണ്ണ: വില്ലേജ് ഓഫിസർ ഉദ്യോഗക്കയറ്റം ലഭിച്ച് പോയതിനാൽ പെരിന്തൽമണ്ണ വില്ലേജ് ഓഫിസിലെത്തുന്ന ജനങ്ങൾക്ക് പ്രയാസം നേരിടുന്നു. ലൈഫ് ഭവനപദ്ധതി, സ്കൂൾ, കോളജ് പ്രവേശനം, പ്രളയഭീഷണി തുടങ്ങിയ സാഹചര്യങ്ങളിൽ വില്ലേജ് ഓഫിസറുടെ സാന്നിധ്യം അനിവാര്യമാണ്. വില്ലേജ് ഓഫിസറെ അടിയന്തരമായി നിയമിക്കണമെന്നാവശ്യപ്പെട്ട് പെരിന്തൽമണ്ണ മേഖല മുസ്​ലിം ലീഗ് കമ്മിറ്റി തഹസിൽദാർ പി.ടി. ജാഫറലിക്ക് നിവേദനം നൽകി.