സിവിൽ സർവിസ്; കഴിഞ്ഞ തവണ നഷ്​ടപ്പെട്ടത് അർച്ചന തിരിച്ചുപിടിച്ചു

പയ്യന്നൂർ: ചൊവ്വാഴ്​ച പ്രഖ്യാപിച്ച സിവിൽ സർവിസ് പരീക്ഷയിൽ പയ്യന്നൂരിന് അഭിമാന നേട്ടം സമ്മാനിച്ച് പി.പി. അർച്ചന. 99ാം റാങ്ക് നേടിയാണ് പയ്യന്നൂർ കൊക്കാനിശ്ശേരിയിലെ അർച്ചന കണ്ണൂർ ജില്ലയിൽതന്നെ തിളങ്ങുന്ന നേട്ടം കൈവരിച്ചത്. കഴിഞ്ഞ തവണ 334ാമത് റാങ്ക് നേടി നഷ്​ടപ്പെട്ട നേട്ടം തിരിച്ചുപിടിക്കുകയായിരുന്നു ഈ മിടുക്കി. കഴിഞ്ഞ റാങ്ക് പ്രകാരം തപാൽ സർവിസിൽ ഓഫിസറായി പ്രവേശനം നേടിയെങ്കിലും വീണ്ടും പരീക്ഷ എഴുതി റാങ്ക് നില മെച്ചപ്പെടുത്തുകയായിരുന്നു. മത്സ്യഫെഡ് ഉദ്യോഗസ്ഥനായിരിക്കെ മരണപ്പെട്ട ഇ.ജീവരാജ‍‍ൻെറയും പിലാത്തറ യു.പി സ്​കൂളിൽ നിന്നു വിരമിച്ച പി.പി. ഗീത ടീച്ചറുടെയും മകളാണ്. കില ഡയറക്​ടറായിരുന്ന പ്രഫ. പി.പി. ബാല​ൻെറ സഹോദരീ പുത്രിയാണ്. പയ്യന്നൂർ കേന്ദ്രീയ വിദ്യാലയത്തിൽ പ്ലസ്​ ടു വരെ പഠിച്ച ശേഷം കണ്ണൂർ എൻജിനീയറിങ് കോളജിൽ ബി.ടെക് ബിരുദം നേടി. സ്വാതന്ത്ര്യ സമര സേനാനി വി.പി. നാരായണ പൊതുവാളുടെ ചെറുമകളാണ്. ഐ.എ.എസ് തന്നെ ലഭിക്കുമെന്നാണ് പ്രതീക്ഷ. അല്ലാത്തപക്ഷം ഐ.എഫ്.എസിനോടാണ് താൽപര്യമെന്ന് അർച്ചന പറഞ്ഞു. PYR Archana പി.പി. അർച്ചന-99ാ മത് റാങ്ക്