ആരോഗ്യ ജാഗ്രത: മലപ്പുറം നഗരത്തിൽ പൊലീസ് പരിശോധന

മലപ്പുറം: കോവിഡ് ആരോഗ്യ ജാഗ്രതയുടെ ഭാഗമായി പൊലീസ് നഗരത്തിലെ വ്യാപാര സ്ഥാപനങ്ങളില്‍ പരിശോധന നടത്തി. ജാഗ്രത നിർദേശങ്ങൾ ലംഘിച്ച 17 കടകള്‍ക്ക് നോട്ടീസ് നല്‍കിയിട്ടുണ്ട്. കുന്നുമ്മല്‍, കോട്ടപ്പടി, കിഴക്കേത്തല തുടങ്ങിയ ഭാഗങ്ങളിലെ വ്യാപാര സ്ഥാപനങ്ങളിലായിരുന്നു രാവിലെ മുതല്‍ പരിശോധന. മാസ്‌ക് ധരിക്കാതെ കറങ്ങി നടന്നവരെയും പൊലീസ് പിടികൂടി. ഇവരുടെ പേര് വിവരങ്ങൾ ശേഖരിച്ച ശേഷം മാസ്ക് ധരിപ്പിച്ചും ബോധവത്​കരിച്ചും തിരിച്ചയച്ചു. വാഹനങ്ങൾ തടഞ്ഞുനിർത്തിയും പരിശോധിച്ചു. വരുംദിവസവങ്ങളിലും ഇതുതുടരും. തൃശൂര്‍ റേഞ്ച് ഐ.ജി എസ്. സുരേന്ദ്രന്‍, ജില്ല പൊലീസ് മേധാവി യു. അബ്​ദുല്‍ കരീം, സി.ഐ എ. പ്രേംജിത്ത് തുടങ്ങിവര്‍ നേതൃത്വം നല്‍കി.