തേഞ്ഞിപ്പലം സ്​റ്റേഡിയത്തിനുള്ള ഭൂമി അളക്കൽ തുടങ്ങി

തേഞ്ഞിപ്പലം: ചാപ്പപ്പാറയിലുള്ള രണ്ട് ഏക്കർ ഭൂമി പഞ്ചായത്തിന് കൈമാറുന്നതിൻെറ മുന്നോടിയായി റവന്യൂ വിഭാഗം അളന്ന് തിട്ടപ്പെടുത്തുന്ന നടപടിക്ക് തുടക്കം. കഴിഞ്ഞ ദിവസം റവന്യൂ വകുപ്പ് ഉദ്യോഗസ്ഥരെത്തി പഞ്ചായത്ത് പ്രസിഡൻറ്, സെക്രട്ടറി, ജനപ്രതിനിധികൾ എന്നിവരുടെ സാന്നിധ്യത്തിലായിരുന്നു അളവ്. റവന്യൂ വകുപ്പ് വിവരമറിയിച്ചതനുസരിച്ച് ഇതിനോട് ചേർന്ന സ്വകാര്യ ഭൂവുടമകളും എത്തിയിരുന്നു. പഞ്ചായത്ത് പ്രസിഡൻറ് സഫിയ റസാഖ്, സെക്രട്ടറി സുമേഷ്, സവാദ് കള്ളിയിൽ, എ.പി. സലീം, കെ.ഇ. ഇണ്ണി കമ്മു എന്നിവർ പങ്കെടുത്തു.