കാട്ടുപന്നി ആക്രമണത്തിൽ തൊഴിലാളിക്ക് പരിക്ക്

ആറളം: കാട്ടാന ഭീഷണിക്ക്​ പിന്നാലെ ആറളം ഫാമിൽ കാട്ടുപന്നി ശല്യവും വർധിച്ചു. ഫാം ഒന്നാം ബ്ലോക്കിലെ തൊഴിലാളി മല്ലികക്കാണ് പന്നിയുടെ ആക്രമണത്തിൽ പരിക്കേറ്റത്. ബ്ലോക്ക് അഞ്ചിൽ കാട്‌ വെട്ടുന്നതിനിടയിലാണ് പന്നിയുടെ ആക്രമണമുണ്ടായത്. കൂടെയുണ്ടായിരുന്ന തൊഴിലാളികൾ രക്ഷപ്പെട്ടു. പരിക്കേറ്റ മല്ലികയെ ഫാം ആശുപത്രിയിൽ പ്രഥമചികിത്സ നൽകിയശേഷം പേരാവൂർ താലൂക്ക് ആശുപത്രിയിലെത്തിച്ചു. അവിടെനിന്ന് തലശ്ശേരി ജനറൽ ആശുപത്രിയിലേക്ക് മാറ്റി.