ഡോക്ടർ ക്വാറൻറീനിൽ; പാപ്പിനിശ്ശേരി ഇ.എസ്.ഐ ആശുപത്രിയിലെത്തിയ രോഗികൾ സമ്പർക്ക പട്ടികയിൽ

പാപ്പിനിശ്ശേരി: പാപ്പിനിശ്ശേരി ഇ.എസ്.ഐ ആശുപത്രിയിൽ ഉച്ചക്കുശേഷം സേവനം നടത്തുന്ന ഡോക്ടർ ക്വാറൻറീനിലായതോടെ ആശുപത്രിയിലെത്തിയ രോഗികളും നാല് ജീവനക്കാരും നിരീക്ഷണത്തിലായി. ഡോക്ടർ രാവിലെ സേവനമനുഷ്ഠിക്കുന്ന കണ്ണൂരിലെ സ്വകാര്യ ആശുപത്രിയിൽ ചികിത്സ തേടിയയാൾക്ക് പിന്നീട് കോവിഡ് സ്ഥിരീകരിച്ചതോടെയാണ് ഡോക്ടർ ക്വാറൻറീനിൽ പോയത്. രണ്ട് ദിവസങ്ങളിലായി ഡോക്ടറെ കാണാനെത്തിയ തൊഴിലാളികളും സമ്പർക്ക പട്ടികയിലായി. ഇ​േതാടൊപ്പം ആശുപത്രിയിൽ ഡോക്ടറുമായി ഇടപഴകിയ നാലോളം ആരോഗ്യ പ്രവർത്തകരും നിരീക്ഷണത്തിൽ പോയി. രാവിലെ മുതൽ ഉച്ചവരെ വരുന്ന നിലവിലുള്ള ഡോക്ടറുടെ സേവനമുള്ളതിനാൽ ആശുപത്രി പ്രവർത്തനം തടസ്സപ്പെടി​െല്ലന്ന്​ അധികൃതർ വ്യക്തമാക്കി.