ചത്ത എരുമയെ പാതയോരത്ത് തള്ളിയ നിലയിൽ

തേഞ്ഞിപ്പലം: പടിക്കൽ-പറമ്പിൽപീടിക റോഡിലെ മൂച്ചിക്കലിനും കുമ്മംതൊടു പാലത്തിനുമിടയിൽ ചത്ത എരുമയെ പാതയോരത്ത് തള്ളി. പ്രഭാതസവാരിക്കാരാണ്‌ സംഭവം ആദ്യം കണ്ടത്. കാടുമൂടിക്കിടക്കുന്ന പാതയോരത്ത് ചത്ത എരുമയെ കണ്ടത് നാട്ടുകാർ പഞ്ചായത്തിനെ അറിയിക്കുകയായിരുന്നു. ഏറെ സമയം കഴിഞ്ഞതോടെ ദുർഗന്ധം പരിസരത്താകെ പരക്കാൻ തുടങ്ങി. നായ്​ക്കളുടെ ഭീഷണിയുള്ളതിനാൽ പഞ്ചായത്ത് അധികൃതർ പൊലീസിനെയും ആരോഗ്യവകുപ്പിനെയും അറിയിച്ചു. കുറ്റക്കാർക്കെതിരെ നടപടി സ്വീകരിക്കാൻ പൊലീസിനോട് പഞ്ചായത്ത് അധികൃതർ ആവശ്യപ്പെട്ടു. പ്രദേശം മാലിന്യനിക്ഷേപ കേന്ദ്രമാണെന്ന പരാതിയു​ണ്ട്. photo - mt chatha eruma പറമ്പിൽപീടിക-പടിക്കൽ റോഡിലെ മൂച്ചിക്കൽ കുമ്മംതൊട്​ പാലത്തിന് സമീപം പാതയോരത്ത് ചത്ത എരുമയെ തള്ളിയ നിലയിൽ