എടയൂർ പി.പി പടി അംഗൻവാടിക്ക് സ്വന്തം കെട്ടിടം ഒരുങ്ങുന്നു

മണ്ണത്തുപറമ്പ്: എടയൂർ ഗ്രാമപഞ്ചായത്ത് നാലാം വാർഡിലെ പി.പി പടി അംഗൻവാടിക്ക് സ്വന്തമായി കെട്ടിടം ഒരുങ്ങുന്നു. 2004ൽ പ്രവർത്തനമാരംഭിച്ച അംഗൻവാടി വാടകക്കെട്ടിടത്തിലാണ് പ്രവർത്തിക്കുന്നത്. 250ഓളം കുടുംബങ്ങളാണ് ഈ അംഗൻവാടിയുടെ പ്രവർത്തന പരിധിയിലുള്ളത്. അംഗൻവാടി വെൽഫെയർ കമ്മറ്റിയുടെയും നാട്ടുകാരുടെയും നേതൃത്വത്തിൽ സുമനസ്സുകളിൽനിന്ന്​​ സംഭാവനയായി പിരിച്ചെടുത്ത മൂന്നുലക്ഷം രൂപകൊണ്ടാണ് ആവശ്യമായ ഭൂമി വാങ്ങിയത്. ഗ്രാമപഞ്ചായത്തി​ൻെറ അഞ്ച്​ ലക്ഷവും എം.ജി.എൻ.ആർ.ഇ.ജി.എസ് വിഹിതമായ അഞ്ച്​ ലക്ഷവുമടക്കം 10 ലക്ഷം രൂപയാണ് കെട്ടിട നിർമാണത്തിന്​ വകയിരുത്തിയിട്ടുള്ളത്. ശിലാസ്ഥാപനം ഗ്രാമപഞ്ചായത്ത് പ്രസിഡൻറ്​ കെ.കെ. രാജീവ് ഉദ്​ഘാടനം ചെയ്​തു. വാർഡ് അംഗം കെ.പി. വിശ്വനാഥൻ അധ്യക്ഷത വഹിച്ചു. എം. സൈനുൽ ആബിദ് കൺവീനറും എം.പി. വേണുഗോപാലൻ ചെയർമാനുമായ കമ്മിറ്റിയാണ് നിർമാണത്തിന് നേതൃത്വം നൽകുന്നത്. ഫോട്ടോ: mp anganavadi inaguration: എടയൂർ പി.പി പടി അംഗൻവാടിയുടെ ശിലാസ്ഥാപനം എടയൂർ ഗ്രാമപഞ്ചായത്ത് പ്രസിഡൻറ്​ കെ.കെ. രാജീവ് നിർവഹിക്കുന്നു