കവളപ്പാറ പുനരധിവാസ പ്രക്ഷോഭം യൂത്ത് കോണ്‍ഗ്രസ് ഏറ്റെടുക്കും -ഷാഫി പറമ്പില്‍

must എടക്കര: കവളപ്പാറ പ്രളയദുരിത ബാധിതരുടെ പുനരധിവാസത്തിനായുള്ള പ്രക്ഷോഭം യൂത്ത് കോണ്‍ഗ്രസ് ഏറ്റെടുക്കുമെന്ന് സംസ്ഥാന പ്രസിഡൻറ്​ ഷാഫി പറമ്പില്‍ എം.എല്‍.എ. നിലമ്പൂര്‍ നിയോജക മണ്ഡലം യൂത്ത് കോണ്‍ഗ്രസ് കമ്മിറ്റി നാട്ടുചന്ത നടത്തി സമാഹരിച്ച തുക കവളപ്പാറയിലെ ദുരിതബാധിതര്‍ക്ക് വിതരണം ചെയ്യുകയായിരുന്നു അദ്ദേഹം. ദുരന്തത്തിനിരയായവരുടെ പുനരധിവാസത്തിനായി റീബില്‍ഡ് നിലമ്പൂര്‍ എന്ന പേരില്‍ സമാഹരിച്ച പണത്തി​ൻെറ കണക്കും നല്‍കിയ സഹായവും പുറത്തുവിടണം. ദുരന്തബാധിതരുടെ പേരിലുള്ള റിയല്‍ എസ്​റ്റേറ്റ് കച്ചവടം അനുവദിക്കില്ലെന്നും അദ്ദേഹം പറഞ്ഞു. യൂത്ത് കോണ്‍ഗ്രസ് കമ്മിറ്റികള്‍ നടത്തിയ കൃഷിയിലെ വിളകള്‍ നാട്ടുചന്തയിലൂടെ വിറ്റുകിട്ടിയ 1,32,000 രൂപ 62 കുടുംബങ്ങള്‍ക്കായി ചടങ്ങില്‍ വിതരണം ചെയ്തു. നിയോജക മണ്ഡലം യൂത്ത് കോണ്‍ഗ്രസ് പ്രസിഡൻറ്​ ഷാജഹാന്‍ പായിമ്പാടം അധ്യക്ഷത ഹിച്ചു. കെ.പി.സി.സി ജനറല്‍ സെക്രട്ടറി വി.എ. കരീം, ഡി.സി.സി പ്രസിഡൻറ്​ വി.വി. പ്രകാശ്, കെ.പി.സി.സി അംഗങ്ങളായ ആര്യാടന്‍ ഷൗക്കത്ത്, വി.എസ്. ജോയി, യൂത്ത് കോണ്‍ഗ്രസ് സംസ്ഥാന വൈസ് പ്രസിഡൻറ്​ റിയാസ് മുക്കോളി, ജില്ല പ്രസിഡൻറ്​ ഷാജി പാച്ചീരി, പി.പി. സുഗതന്‍, സി.ആര്‍. പ്രകാശ് എന്നിവര്‍ സംസാരിച്ചു. ചിത്രവിവരണം: mn edk1 കവളപ്പാറയിലെ പ്രളയദുരിതബാധിതര്‍ക്ക് യൂത്ത് കോണ്‍ഗ്രസ് നാട്ടുചന്ത നടത്തി സമാഹരിച്ച സഹായധന വിതരണം ഉദ്ഘാടനം ചെയ്ത് സംസ്ഥാന പ്രസിഡൻറ്​ ഷാഫി പറമ്പില്‍ എം.എല്‍.എ സംസാരിക്കുന്നു