മൂന്നിയൂർ ഹയർ സെക്കൻഡറി സ്​കൂളിന് ചരിത്രവിജയം

തിരൂരങ്ങാടി: ഈ വർഷത്തെ പ്ലസ് ടു പരീക്ഷയിൽ മൂന്നിയൂർ ഹയർ സെക്കൻഡറി സ്​കൂൾ 100 ശതമാനം വിജയവുമായി ചരിത്രംകുറിച്ചു. പരീക്ഷ എഴുതിയ 255 കുട്ടികളും ഉപരിപഠനത്തിന് അർഹരായി. 29 ​േപർ മുഴുവൻ വിഷയങ്ങൾക്കും എ പ്ലസ്​ നേടി. വിദ്യാർഥികളെ മാനേജ്മൻെറും പി.ടി.എയും സ്​റ്റാഫും അഭിനന്ദിച്ചു. ഡോക്​ടര്‍ക്ക് കോവിഡ്; ക്ലിനിക്കുകള്‍ അടക്കാന്‍ നിദേശം തിരൂരങ്ങാടി: പൊന്നാനി ഹോസിറ്റലിലെ ചർമരോഗ വിദഗ്ധനും എ.ആർ നഗർ മമ്പുറം സ്വദേശിയുമായ ഡോക്​ടർക്ക് കോവിഡ്‌ ബാധിച്ചതിനെ തുടർന്ന് ഇദ്ദേഹം പരിശോധന നടത്തിയിരുന്ന ക്ലിനിക്കുകൾ അടക്കാൻ നിർദേശം. വെന്നിയൂർ, വി.കെ പടി എന്നിവിടങ്ങളിലെ ക്ലിനിക്കുകളിൽ ആഴ്​ചയിൽ നിശ്ചിതദിവസങ്ങളിൽ ഡോക്​ടർ രോഗികളെ പരിശോധിച്ചിരുന്നു. ഇതേ തുടർന്നാണ് ക്ലിനിക്കുകൾ അടക്കാൻ ആരോഗ്യവകുപ്പ് നിർദേശം നൽകിയത്. ഈ ദിവസങ്ങളിൽ ഡോക്​ടറുടെ അടുത്ത് ചികിത്സതേടിയ രോഗികളുടെ വിവരങ്ങള്‍ ആരോഗ്യപ്രവര്‍ത്തകര്‍ ശേഖരിച്ചുവരുകയാണ്. കഴിഞ്ഞ ഏഴിന്​ ഡോക്​ടറുടെ അടുത്ത് ചികിത്സതേടിയ ആളുകളോട് സ്വയം നിരീക്ഷണത്തില്‍ പോകാന്‍ ആവശ്യപ്പെട്ടിട്ടുണ്ട്. സംസാര, കേൾവി ശേഷിയില്ല; സഫ്‌വാന് എല്ലാ വിഷയങ്ങളിലും എ പ്ലസ് തിരൂരങ്ങാടി: ശബ്​ദമില്ലാത്ത ലോകത്തുനിന്ന് തിളക്കമാർന്ന വിജയം നേടി സഫ്‌വാൻ മുഹമ്മദ് എന്ന കോമേഴ്‌സ് വിദ്യാർഥി. സംസാര, കേൾവിശേഷിയില്ലാത്ത സഫ്‌വാൻ പ്ലസ് ടുവിന് എല്ലാ വിഷയങ്ങൾക്കും എ പ്ലസ് നേടിയാണ് ശ്രദ്ധേയനായത്. ഒന്നു മുതൽ 10 വരെ പരപ്പനങ്ങാടി ബധിരവിദ്യാലയത്തിൽ പഠിച്ചിരുന്ന ഈ മിടുക്കൻ പ്ലസ് ടുവിന് വാഴക്കാട് കാരുണ്യഭവൻ ബധിര വിദ്യാലയത്തിലാണ് പഠിച്ചത്. എസ്.എസ്.എൽ.സി പരീക്ഷയിലും എല്ലാ വിഷയങ്ങളിലും എ പ്ലസ് നേടിയിരുന്നു. നന്നമ്പ്ര കുണ്ടൂർ മൂലക്കൽ സ്വദേശി കണിയേരി സൈനുദ്ദീ​ൻെറയും ജമീലയുടെയും മകനായ സഫ്‌വാൻ ചെസിലും ചിത്രകലയിലും മികവ് തെളിയിച്ചിട്ടുണ്ട്. സഹോദരൻ സൽമാൻ ഫാരിസിനും കേൾവി, സംസാര ശേഷിയില്ല. ഇവർക്ക് രണ്ട് സഹോദരൻമാരും ഇരട്ട സഹോദരിമാരും കൂടിയുണ്ട്. കോഴിക്കോട് വെസ്​റ്റ്​ ഹിൽ പോളിടെക്​നിക്കിൽ മെക്കാനിക്കൽ ഡിപ്ലോമ വിദ്യാർഥിയാണ് സൽമാൻ ഫാരിസ്. 1200ൽ 1168 മാർക്കും വാങ്ങി തിളക്കമാർന്ന വിജയം നേടിയ സഫ്‌വാനെ പി.കെ. അബ്​ദുറബ് എം.എൽ.എ ഉപഹാരം നൽകി ആദരിച്ചു. ഫോട്ടോ: സഫ്‌വാൻ TGI FULL A+ SAFVAN TGI FULL A+ SAFVAN. PK ABDURABB 2) സഫ്‌വാനെ പി.കെ. അബ്​ദുറബ് എം.എൽ.എ ഉപഹാരം നൽകി ആദരിക്കുന്നു