മരം കടപുഴകി വീടിന് കേടുപറ്റി

കൂത്തുപറമ്പ്: ആമ്പിലാടിനടുത്ത ചോരക്കുളത്ത് മരങ്ങൾ കടപുഴകി വീടിന് കേടുപറ്റി. ചെട്ട്യാൻ കണ്ടി ജാനുവി​ൻെറ വീടാണ് ഭാഗികമായി തകർന്നത്. തെങ്ങ്, കശുമാവ് എന്നിവയാണ് വീടിന് മുകളിൽ പതിച്ചത്. വീടി​ൻെറ ഞാലി ഭാഗം തകർന്ന നിലയിലാണുള്ളത്. ഇന്നലെ പുലർച്ച രണ്ട് മണിയോടെയുണ്ടായ കാറ്റിലും മഴയിലുമാണ് അപകടം. അപകടം നടക്കുമ്പോൾ വീട്ടിൽ ആളുകൾ ഉണ്ടായിരുന്നെങ്കിലും പരിക്കേൽക്കാതെ രക്ഷപ്പെട്ടു. കൂത്തുപറമ്പ് നഗരസഭ ഓഫിസ്, വില്ലേജ് ഓഫിസ് എന്നിവിടങ്ങളിൽ പരാതി നൽകി.