നരിക്കോട്മലയിലും വാഴമലയിലും സഞ്ചാരവിലക്ക്

പാനൂർ: തൃപ്പങ്ങോട്ടൂർ ഗ്രാമപഞ്ചായത്തിലെ ടൂറിസ്​റ്റ്​ കേന്ദ്രങ്ങളായ നരിക്കോട്മല, വാഴമല എന്നിവിടങ്ങളിൽ സഞ്ചാര വിലക്ക് ഏർപ്പെടുത്തും. ഗ്രാമപഞ്ചായത്തിൽ ചേർന്ന കോവിഡ് ജാഗ്രത സമിതി യോഗത്തിലാണ് തീരുമാനം. വിലക്ക് ലംഘിക്കുന്നവർക്കെതിരെ ദുരന്തനിവാരണ നിയമപ്രകാരം നടപടി സ്വീകരിക്കും. പോസിറ്റിവ് കേസുകൾ റിപ്പോർട്ട് ചെയ്യപ്പെടുന്ന വാർഡുകളിൽ കർശന നിയന്ത്രണങ്ങളും റിവേഴ്സ് ക്വാറൻറീനും നടപ്പാക്കാൻ തീരുമാനിച്ചു. യോഗത്തിൽ പഞ്ചായത്ത് പ്രസിഡൻറ്​ സുരേഷ്ബാബു അധ്യക്ഷതവഹിച്ചു.