കുറ്റിച്ചിറ സ്കൂളിന്​ ആദരം

കോഴിക്കോട്: തെക്കെപ്പുറം മേഖലയിലെ വിദ്യാലയങ്ങളിൽനിന്ന് നൂറു ശതമാനം വിജയം നേടിയ കുറ്റിച്ചിറ ഗവ. ഹയർ സെക്കൻഡറി സ്കൂളിനെ തെക്കെപ്പുറം സൗഹൃദ വേദി ആദരിച്ചു. ചെയർമാൻ ഒ. മമ്മുദു അധ്യക്ഷത വഹിച്ചു. സ്കൂളിനുള്ള ഉപഹാരം മുൻ സി.ഡി.എ ചെയർമാൻ എൻ.സി. അബൂബക്കർ ഹെഡ്മാസ്​റ്റർ കെ.പി. സ്​റ്റീവിക്ക് കൈമാറി. പി.ടി.എ പ്രസിഡൻറ്​ പ്രശാന്ത്, വി.എച്ച്.എസ്.ഇ പ്രിൻസിപ്പൽ ഷൈജു, ഹബീബ് അഹമ്മദ്, പി.എൻ. ജംഷിദ് എന്നിവർ സംസാരിച്ചു. ജനറൽ കൺവീനർ അനസ് പരപ്പിൽ സ്വാഗതവും കൺവീനർ റാഫി മുഖദാർ നന്ദിയും പറഞ്ഞു.