ഷംസുദ്ദീ‍െൻറ മരണം തലച്ചോറിലെ രക്തസ്രാവത്തെ തുടർന്ന്

ഷംസുദ്ദീ‍ൻെറ മരണം തലച്ചോറിലെ രക്തസ്രാവത്തെ തുടർന്ന് കണ്ണൂർ​: മുഴപ്പിലങ്ങാട് സ്വദേശി ഷംസുദ്ദീൻ (47) ശനിയാഴ്ച പുലർച്ച കണ്ണൂർ ഗവ. മെഡിക്കൽ കോളജ് ആശുപത്രിയിൽ മരിച്ചത് തലച്ചോറിലെ രക്തസ്രാവത്തെ തുടർന്നാണെന്ന്​ ആശുപത്രി അധികൃതർ​ വ്യക്തമാക്കി. കോവിഡ്​ സംശയിച്ച്​ സ്രവം പരിശോധിച്ചെങ്കിലും ഫലം നെഗറ്റിവായിരുന്നുവെന്നും കോവിഡ്​ ബാധയുണ്ടായിരുന്നില്ലെന്നും ആരോഗ്യവകുപ്പ്​ അധികൃതരും പറഞ്ഞു. കുവൈത്തിൽനിന്ന്​ നാട്ടിലെത്തിയ ഷംസുദ്ദീൻ ജൂൺ 24 മുതൽ തലശ്ശേരിയിലെ ലോഡ്ജിൽ ക്വാറൻറീനിലായിരുന്നു. ദീർഘനാളായി രക്തസമ്മർദത്തിന് ചികിത്സ നടത്തിവന്നിരുന്നു. ക്വാറൻറീനിൽ ആയതിനാലാണ്​ തലശ്ശേരി ജനറൽ ആശുപത്രിയിൽനിന്ന് സ്രവം പരിശോധനക്ക് എടുത്തത്​. ശനിയാഴ്ച ഉച്ചയോടെയാണ്​ െനഗറ്റിവാണെന്ന ഫലം ലഭിച്ചത്​. ഇതേത്തുടർന്ന്​​ ബന്ധുക്കൾക്ക്​ വിട്ടുകൊടുത്ത മൃതദേഹം ശനിയാഴ്​ചതന്നെ ഖബറടക്കിയിരുന്നു.