തണൽമരം കടപുഴകി നാശനഷ്​ടം

ഫറോക്ക്: ശക്തമായ മഴയിലും കാറ്റിലും മരം കടപുഴകി വീടി​ൻെറ മേൽക്കൂരയും മതിലും ഇരുമ്പുകവാടവും തകർന്നു. ഫറോക്ക് പേട്ട മൈതാനത്തെ വൻ തണൽമരമാണ് ശനിയാഴ്ച പുലർച്ച കടപുഴകിയത്. പേട്ട മൈതാനത്തിനുസമീപം കളത്തുകണ്ടിയിൽ താമസിക്കുന്ന കളത്തിങ്ങൽ സാലിയുടെ മതിൽ, ഇരുമ്പുകവാടം, ക്വാർട്ടേഴ്സി​ൻെറ മേൽക്കൂര എന്നിവയാണ് തകർന്നത്. കൗൺസിലർ മമ്മു വേങ്ങാട്ട്, ഫറോക്ക് നഗരസഭ ഹെൽത്ത് ഇൻസ്പെക്ടർ കെ.എം. സജി, ജെ.എച്ച്.ഐ സജിഷ് എന്നിവർ സ്ഥലത്തെത്തി മരം മുറിച്ചുമാറ്റാനുള്ള നടപടികൾ സ്വീകരിച്ചു.