വെള്ളക്കെട്ട്​: മേയറുടെ മേൽനോട്ടത്തിൽ ഓട വൃത്തിയാക്കി

ട്: മഴ കനത്തതോടെ നഗരത്തിൽ വെള്ളക്കെട്ട് രൂക്ഷമായി. ഇതേതുടർന്ന്​ നഗരസഭ വിവിധ ഭാഗങ്ങളിൽ ഓവുചാൽ വൃത്തിയാക്കൽ ആരംഭിച്ചു. ശനിയാഴ്ച വൈകീട്ട്​ മേയർ തോട്ടത്തിൽ രവീന്ദ്ര​ൻെറയും ആരോഗ്യസ്ഥിരം സമിതി അധ്യക്ഷൻ കെ.വി. ബാബുരാജി​ൻെറയും നേതൃത്വത്തിലായിരുന്നു വൃത്തിയാക്കൽ. മണ്ണുമാന്തി ഉപയോഗിച്ച് മൊഫ്യൂസിൽ സ്​റ്റാൻഡ്​​ ജങ്​ഷനിൽ ഓടകൾ വൃത്തിയാക്കി. പ്ലാസ്​റ്റിക്കും ചാക്കുകളും നിറഞ്ഞാണ്​ ഒഴുക്ക്​ തടസ്സപ്പെട്ടത്​​​. സ്ലാബുകളും മാൻഹോളുകളും നീക്കിയായിരുന്നു നടപടി. ഫയർഫോഴ്​സി​ൻെറയും നടപ്പാത​ നവീകരണ കരാറെടുത്തവരുടെയും സഹകരണത്തോടെയായിരുന്നു നടപടി. ഒഴുക്ക്​ സുഗമമാവുന്നത്​ നിരീക്ഷിച്ച്​ നടപടിയെടുക്കുമെന്ന്​ കോർപറേഷൻ സെക്രട്ടറി ബിനു ഫ്രാൻസിസ്​ അറിയിച്ചു.