ചെങ്ങോടുമല ഖനനത്തിന് അനുമതി നൽകരുത് -എം.കെ. രാഘവൻ എം.പി

കൂട്ടാലിട: പരിസ്ഥിതി ദുർബല പ്രദേശമായ ചെങ്ങോടുമലയിൽ കരിങ്കൽ ഖനനത്തിന് പാരിസ്ഥിതികാനുമതി നൽകാനുള്ള നീക്കം ഉപേക്ഷിക്കണമെന്നാവശ്യപ്പെട്ട് എം.കെ. രാഘവൻ എം.പി മുഖ്യമന്ത്രിക്കും സംസ്ഥാന പാരിസ്ഥിതികാഘാത നിർണയ സമിതിക്കും കത്തയച്ചു. രണ്ടംഘട്ട വിദഗ്ധ സംഘത്തി​ൻെറ റിപ്പോർട്ടിൽ നാട്ടുകാർ സംശയം പ്രകടിപ്പിച്ച സാഹചര്യത്തിൽ പുതിയൊരു സംഘത്തെ വെച്ച് സമഗ്രമായ പാരിസ്ഥിതികാഘാത പഠനം നടത്തണമെന്നും എം.പി ആവശ്യപ്പെട്ടു. പ്രതികൂല സാഹചര്യങ്ങളെ അതിജീവിച്ച് നാട്ടുകാർ നടത്തുന്ന സമരത്തിന് പൂർണ പിന്തുണയുണ്ടാവുമെന്നും എം.പി പറഞ്ഞു.