കോവിഡ്​ ജാഗ്രത; പൊലീസ്​ സ്​റ്റേഷനുകളിൽ തെർമൽ സ്​കാനറും പി.പി.ഇ കിറ്റും

കണ്ണൂര്‍: കോവിഡ് പ്രതിരോധത്തി‍ൻെറ ഭാഗമായി ജില്ലയിലെ എല്ലാ പൊലീസ് സ്​റ്റേഷനുകളിലും തെർമൽ സ്​കാനറും പി.പി.ഇ കിറ്റും വിതരണം ചെയ്​തു. പൊലീസ് ഓഫിസേഴ്​സ്​ അസോസിയേഷന്‍, പൊലീസ് അസോസിയേഷന്‍, ജില്ല പൊലീസ് കോഓപ് സൊസൈറ്റി എന്നിവർ സംയുക്​തമായാണ്​ വിതരണം ചെയ്​തത്​. ജില്ലതല വിതരണോദ്​ഘാടനം ജില്ല പൊലീസ് മേധാവി ജി.എച്ച്.​ യതീഷ് ചന്ദ്ര കണ്ണൂര്‍ ടൗണ്‍ പൊലീസ് സ്​റ്റേഷനില്‍ നിര്‍വഹിച്ചു. ഡിവൈ.എസ്​.പി പി.പി. സദാനന്ദന്‍, സി.െഎ പ്രദീപന്‍ കണ്ണിപോയില്‍, കെ.പി.ഒ.എ ജില്ല സിക്രട്ടറി പി. രമേശന്‍, കെ.പി.എ ജില്ല സെക്രട്ടറി കെ. രാജേഷ്, ജില്ല പൊലീസ് കോ-ഓപ്. സൊസൈറ്റി പ്രസിഡൻറ്​ കെ.ജി. പ്രകാശ് കുമാര്‍, കെ.പി.എ ജില്ല പ്രസിഡൻറ്​ ഷംസുദ്ദീന്‍, കെ.പി.ഒ.എ വൈസ് പ്രസിഡൻറ്​ പി.വി. രാജേഷ് തുടങ്ങിയവര്‍ സംബന്ധിച്ചു. police പൊലീസ് സ്​റ്റേഷനുകളിൽ തെർമൽ സ്​കാനറും പി.പി.ഇ കിറ്റും വിതരണം ചെയ്യുന്നതി‍ൻെറ ഉദ്​ഘാടനം ജില്ല പൊലീസ് മേധാവി ജി.എച്ച്.​ യതീഷ് ചന്ദ്ര നിർവഹിക്കുന്നു