യുവതിയെ മാനഭംഗപ്പെടുത്താൻ ശ്രമിച്ച ഡോക്ട​ർ റിമാൻഡിൽ

ശ്രീകണ്​ഠപുരം: ചെവിവേദനയുമായി ക്ലിനിക്കിലെത്തിയ യുവതിയെ മാനഭംഗപ്പെടുത്താൻ ശ്രമിച്ച കേസിൽ അറസ്​റ്റിലായ ഡോക്​ടർ റിമാൻഡിൽ. ശ്രീകണ്​ഠപുരത്തെ സ്വകാര്യ ക്ലിനിക്കിലെ ഡോക്​ടർ പ്രശാന്ത് നായിക്കിനെയാണ് തളിപ്പറമ്പ് മജിസ്​ട്രേറ്റ് കോടതി രണ്ടാഴ്ചത്തേക്ക് റിമാൻഡ് ചെയ്​തത്. യുവതിയുടെ പരാതിയിൽ സംസ്ഥാന വനിത കമീഷനും കേസെടുത്തു. ഡോക്​ടർ പീഡിപ്പിച്ചുവെന്ന പരാതിയിലാണ് കേസെടുത്തതെന്നും പൊലീസുമായി സംസാരിച്ചശേഷം മറ്റ് നടപടികൾ സ്വീകരിക്കുമെന്നും വനിത കമീഷനംഗം ഇ.എം. രാധ അറിയിച്ചു. കഴിഞ്ഞ ചൊവ്വാഴ്​ചയാണ് മലപ്പട്ടം സ്വദേശിയായ യുവതി ചെവിവേദനയുമായി ഭർത്താവിനും കുഞ്ഞിനുമൊപ്പം ശ്രീകണ്​ഠപുരത്തെ എസ്.എം.സി ക്ലിനിക്കില്‍ എത്തിയത്. പരിശോധനക്കിടെ യുവതിയെ കയറിപ്പിടിച്ച് മാനഭംഗപ്പെടുത്താൻ ശ്രമിച്ചുവെന്നാണ് കേസ്.