ജൈവ കർഷകനെ ആദരിച്ചു

തിരൂരങ്ങാടി: എ.ആർ നഗർ ഗ്രാമപഞ്ചായത്തും കൃഷിഭവനും സംയുക്തമായി സംഘടിപ്പിച്ച ചടങ്ങിൽ മികച്ച ജൈവകർഷകനായി തിരൂരങ്ങാടി പി.എസ്.എം.ഒ കോളജ് മുൻ പ്രിൻസിപ്പൽ എം. ഹാറൂനെ തിരഞ്ഞെടുത്തു. ഗ്രാമപഞ്ചായത്ത് ഓഡിറ്റോറിയത്തിൽ നടന്ന പരിപാടിയിൽ പ്രസിഡന്‍റ്​ ലിയാകത്തലി കാവുങ്ങൽ അവാർഡ് ദാനം നിർവഹിച്ചു. ഹാറൂന്റെ നേതൃത്വത്തിൽ നെല്ല്, പച്ചക്കറി, വത്തക്ക തുടങ്ങിയ ഒട്ടേറെ വിളകൾ ജൈവകൃഷിയിലൂടെ വിളവെടുക്കുന്നുണ്ട്.