ലോഗോ ഡിസൈൻ മത്സരം

മാറഞ്ചേരി: മാറഞ്ചേരി ഗവ. ഹയർ സെക്കൻഡറി സ്കൂളിലെ പൂർവാധ്യാപക-വിദ്യാർഥി സംഗമത്തിന്റെ ഭാഗമായി അനുയോജ്യമായ ലോഗോ ഡിസൈൻ ചെയ്യാൻ മത്സരം നടത്തുന്നു. സെപ്​റ്റംബർ നാലിന് 'ഓർമപ്പെയ്‌ത്ത്' പേരിലാണ് സംഗമം. തിരഞ്ഞെടുക്കപ്പെടുന്ന ലോഗോക്ക് കാഷ് പ്രൈസും മെമന്റോയും സംഗമ വേദിയിൽ നൽകും. ലോഗോ നിർമാണത്തിന് ഏതുതരത്തിലുള്ള സോഫ്റ്റ്‌വെയർ സങ്കേതവും ഉപയോഗിക്കാം. തിരഞ്ഞെടുക്കപ്പെട്ടാൽ ലോഗോയുടെ ഉയർന്ന റെസൊലൂഷനിലുള്ള ഡിജിറ്റൽ ഫയലുകൾ സംഘാടകസമിതിക്ക് കൈമാറണം. വരച്ച ലോഗോകളാണെങ്കിൽ എ-3 സൈസിലുള്ള ഫിനിഷ് ചെയ്ത കോപ്പി സമർപ്പിച്ചാൽ മതിയാവും. മത്സരത്തിൽ പങ്കെടുക്കുന്നവർ ഡിസൈൻ ചെയ്ത ലോഗോ ആഗസ്റ്റ് 15ന് രാത്രി 11ന്​ മുമ്പ്​ 9497245916 നമ്പറിലേക്ക് വാട്‌സ്​ആപ്​ സന്ദേശമായി അയക്കണം.