ചെമ്പൈ സംഗീതോത്സവം: ഓണ്‍ലൈന്‍ രജിസ്‌ട്രേഷന്‍ തുടങ്ങി

ഗുരുവായൂര്‍: ഏകാദശിയോടനുബന്ധിച്ച് നവംബര്‍ 19 മുതല്‍ ഡിസംബര്‍ മൂന്ന് വരെ നടക്കുന്ന ചെമ്പൈ സംഗീതോത്സവത്തില്‍ പങ്കെടുക്കാനുള്ള ഓണ്‍ലൈന്‍ രജിസ്‌ട്രേഷന്‍ തുടങ്ങി. guruvayurdevaswom.nic.in/ChembaiSangeetholsavam/ChembaiSangeetholsavam എന്ന വെബ്‌സൈറ്റിലൂടെയാണ് രജിസ്‌ട്രേഷന്‍. അപേക്ഷകര്‍ക്ക്​ ആഗസ്റ്റ് 10ന് പത്ത്​ വയസ്സ് പൂര്‍ത്തിയായിരിക്കണം. പരമാവധി അഞ്ച് പേര്‍ക്ക് ഗ്രൂപ്പായും സംഗീതാര്‍ച്ചന നടത്താം. ഗ്രൂപ്പിലുള്ള ഒരാള്‍ അപേക്ഷിച്ചാല്‍ മതി. സംഗീതോത്സവത്തിനെത്തുമ്പോള്‍ ഗുരുനാഥന്റെ സാക്ഷ്യപത്രം ഹാജരാക്കണം. അര്‍ഹത നേടുന്നവരെ ഇ-മെയില്‍ മുഖേന അറിയിക്കും. ഇവര്‍ക്ക് ക്ഷണക്കത്ത് വെബ് സൈറ്റില്‍നിന്ന് ഡൗണ്‍ലോഡ് ചെയ്യാം. ഓണ്‍ലൈന്‍ രജിസ്‌ട്രേഷന്റെ അവസാന തീയതി സെപ്റ്റംബര്‍ 10.