പി.പി. ജാനകിക്കുട്ടി പുരസ്കാരം ഡോ. സംഗീത ചേനംപുല്ലിക്ക്

പെരിന്തൽമണ്ണ: പി.പി. ജാനകിക്കുട്ടിയുടെ സ്മരണക്ക്​ പി.പി. ജാനകിക്കുട്ടി സ്മാരക ട്രസ്റ്റും പുരോഗമന കലാസാഹിത്യസംഘം മേഖല കമ്മിറ്റിയും ചേർന്ന്​ ഏർപ്പെടുത്തിയ കവിത പുരസ്കാരം ഡോ. സംഗീത ചേനംപുല്ലിയുടെ 'കവിത വഴിതിരിയുന്ന വളവുകളിൽ' കൃതിക്ക്​ ലഭിച്ചു. പട്ടാമ്പി ഗവ. കോളജ് രസതന്ത്ര വിഭാഗം അസിസ്റ്റന്‍റ്​ പ്രഫസറായ ഡോ. സംഗീത ചേനംപുല്ലി ഒറ്റപ്പാലം മുണ്ടനാട്ടുകര സ്വദേശിനിയാണ്. 10,000 രൂപയും ഫലകവും അടങ്ങുന്നതാണ് പുരസ്കാരം. ഈ മാസം​ 23ന് വൈകീട്ട്​ നാലിന് പെരിന്തൽമണ്ണയിൽ പി.പി. ജാനകിക്കുട്ടി അനുസ്മരണ സമ്മേളനത്തിൽ കഥാകാരൻ വൈശാഖൻ അവാർഡ് സമ്മാനിക്കും. mpg pmna dr sangeetha: ഡോ. സംഗീത ചേനംപുല്ലി