ഗജദിനാഘോഷം ഇന്ന്

ഗുരുവായൂര്‍: ദേവസ്വം ആഭിമുഖ്യത്തില്‍ വെള്ളിയാഴ്ച ഗജദിനം ആഘോഷിക്കും. രാവിലെ എട്ടുമുതല്‍ ആനകളുടെ സുഖചികിത്സാനന്തര ആരോഗ്യപരിശോധന ക്യാമ്പ്, നാട്ടാന പരിപാലനത്തിന്റെ പ്രാധാന്യം വിശദമാക്കുന്ന സംവാദം, ബോധവത്​കരണ ശില്‍പശാല, വിദ്യാര്‍ഥികള്‍ക്ക് ചിത്രരചന എന്നിവയുണ്ടാകും. രാവിലെ ഒമ്പതിന് ദേവസ്വം ചെയര്‍മാന്‍ ഡോ. വി.കെ. വിജയന്‍ ഉദ്ഘാടനം ചെയ്യും. വെറ്ററിനറി യൂനിവേഴ്‌സിറ്റി വൈസ് ചാന്‍സലര്‍ ഡോ. എം.ആര്‍. ശശീന്ദ്രനാഥ് മുഖ്യാതിഥിയാകും. ആനത്താവളത്തിലെ പ്രായം കൂടിയ പിടിയാന താരയെ ആദരിക്കും.