കെ.എസ്​.ആർ.ടി.സിക്ക്​ മുന്നിൽ പ്രതിഷേധ ധർണ

മലപ്പുറം: തിരുവനന്തപുരത്ത് കെ.എസ്​.ആർ.ടി.സി ചീഫ് ഓഫിസിനു മുന്നിൽ രണ്ട് മാസത്തോളമായി കെ.എസ്​.ആർ.ടി.ഇ.എ (സി.ഐ.ടി.യു) നടത്തുന്ന അനിശ്ചിതകാല പ്രക്ഷോഭം ശക്തിപ്പെടുത്തുന്നതിന്‍റെ ഭാഗമായി മലപ്പുറം ജില്ല ഓഫിസിന്​ മുന്നിൽ നടന്ന പ്രതിഷേധ ധർണ സി.ഐ.ടി.യു ദേശീയ വൈസ്​ പ്രസിഡന്‍റ്​ കെ.കെ. ദിവാകരൻ ഉദ്​ഘാടനം ചെയ്തു. വി.കെ. സജീൽ ബാബു അധ്യക്ഷത വഹിച്ചു. കെ.എസ്​.ആർ.ടി.സി പെൻഷനേഴ്​സ്​ ഓർഗനൈസേഷൻ ജില്ല സെക്രട്ടറി കെ.പി. മൊയ്തീൻ കുട്ടി, എൻ.ജി.ഒ യൂനിയൻ ജില്ല പ്രസിഡന്‍റ്​ വി.കെ. രാജേഷ്​, കെ.എസ്​.ആർ.ടി.ഇ.എ സംസ്ഥാന സെക്രട്ടറി കെ. സ​ന്തോഷ്​ എന്നിവർ സംസാരിച്ചു. ജില്ല സെക്രട്ടറി പി.കെ. കൈരളി ദാസ് സ്വാഗതവും ജില്ല ജോ. സെക്രട്ടറി എൻ.സി. സതീഷ്​ കുമാർ നന്ദിയും പറഞ്ഞു. ശമ്പളം എല്ലാമാസവും കൃത്യമായി അഞ്ചാം തീയതിക്കകം വിതരണം ചെയ്യുക, മാനേജ്മെന്‍റിന്‍റെ ഏകപക്ഷീയ അശാസ്ത്രീയ തുഗ്ലക്ക്​ പരിഷ്കാരങ്ങൾ അവസാനിപ്പിക്കുക, സർവിസ് ഓപറേഷൻ കാര്യക്ഷമമാക്കുക, താൽക്കാലിക ജീവനക്കാരുടെ പുനരധിവാസം ഉറപ്പാക്കുക മുതലായ ആവശ്യങ്ങൾ ഉന്നയിച്ചാണ്​ സമരം. mm ksrtc: വിവിധ ആവശ്യങ്ങളുന്നയിച്ച് കെ.എസ്.ആര്‍.ടി.ഇ.എ (സി.ഐ.ടി.യു) മലപ്പുറം ജില്ല ഓഫിസിനു മുന്നില്‍ നടത്തിയ ധര്‍ണ സി.​ഐ.ടി.യു ദേശീയ വൈസ്​ പ്രസിഡന്‍റ്​ കെ.കെ. ദിവാകരന്‍ ഉദ്ഘാടനം ചെയ്യുന്നു