വ്യാപാരി ദിനാചരണം

പുലാമന്തോൾ: വ്യാപാരി വ്യവസായി ഏകോപന സമിതി പുലാമന്തോൾ യൂനിറ്റിന്‍റെ നേതൃത്വത്തിൽ നടന്ന ജില്ല പഞ്ചായത്ത് പ്രസിഡന്‍റ്​ എം.കെ. റഫീഖ ഉദ്ഘാടനം ചെയ്തു. യൂനിറ്റ് പ്രസിഡന്‍റ് ഏർബാദ് അസീസ് അധ്യക്ഷത വഹിച്ചു. വ്യാപാരികളുടെ മക്കളിൽനിന്ന് എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയവർക്കുള്ള സമ്മാന വിതരണം പഞ്ചായത്ത് പ്രസിഡന്‍റ്​ സൗമ്യ നിർവഹിച്ചു. ജില്ല കമ്മിറ്റിയിലേക്ക് പുതുതായി തെരഞ്ഞടുത്ത പി.ടി.എസ്. മൂസു, ഏർബാദ് അസീസ്, പുലാമന്തോളിൽ പത്രവിതരണ രംഗത്ത് 50 വർഷം പിന്നിട്ട ചെമ്മല മുഹമ്മദ്​ ഹാജി എന്നിവരെ ആദരിച്ചു. ജില്ല കമ്മിറ്റി നൽകുന്ന മരണാനന്തര സഹായ വിതരണം ജില്ല വൈസ് പ്രസിഡന്‍റ് പി.ടി.എസ് മൂസു നിർവഹിച്ചു. യൂത്ത് വിങ്, വനിത വിങ് അംഗങ്ങൾ ആശംസകൾ നേർന്നു. യൂനിറ്റ് സെക്രട്ടറി സമദ് ചോക്ലേറ്റ്​ സ്വാഗതവും ട്രഷറർ മുഹമ്മദലി ക്വാളിറ്റി നന്ദിയും പറഞ്ഞു. MCPML: Vyapari Dinacharanam. (പടം : ജില്ല കമ്മിറ്റിയിലേക്ക് പുതുതായി തെരഞ്ഞെടുത്ത വ്യാപാരി അംഗങ്ങളെ പുലാമന്തോൾ യൂനിറ്റിന്‍റെ നേതൃത്വത്തിൽ ആദരിക്കുന്നു