നവീകരിച്ച പ്രീ പ്രൈമറി ബ്ലോക്ക് ഉദ്ഘാടനം

മഞ്ചേരി: ലയൺസ് ക്ലബ് ഓഫ് മഞ്ചേരിയും മണപ്പുറം ഫിനാൻസും ചേർന്ന് സർവിസ് പ്രോജക്ടിന്റെ ഭാഗമായി അരുകിഴായ ഗവ. എൽ.പി സ്കൂളിന് ക്ലാസ് മുറികൾ നവീകരിച്ചു നൽകി. ലയൺസ് ക്ലബ് ജില്ല ഗവർണർ സുഷമ നന്ദകുമാർ ഉദ്ഘാടനം ചെയ്തു. ഇത്തരത്തിൽ 186 സ്കൂളുകൾ ഈ വർഷം ലയൺസ് ക്ലബ് ദത്തെടുത്തെന്ന് സംഘാടകർ അറിയിച്ചു. വാർഡ് കൗൺസിലർ സജിത വിജയൻ അധ്യക്ഷത വഹിച്ചു. പ്രധാനാധ്യാപിക എം. അനിത, ജില്ല കോഓഡിനേറ്റർ കെ.എം. അഷ്റഫ്, ലയൺസ് ക്ലബ് പ്രസിഡന്‍റ്​ എം.കെ. സുരേഷ്, പി.ടി.എ പ്രസിഡന്‍റ്​ അഡ്വ. അനൂപ് പറക്കാട്ട്, അധ്യാപിക പി. ബീന എന്നിവർ സംസാരിച്ചു.