'പ്രസിഡന്‍റ്​ സ്ഥാനത്തിരിക്കാൻ അർഹതയില്ല'

മമ്പാട്: ആം ആദ്മി പ്രവർത്തകൻ അല്ലിപ്ര സവാദിനെ പഞ്ചായത്ത് ഓഫിസ് മുറ്റത്ത് വെച്ച് മർദിച്ച ഗ്രാമപഞ്ചായത്ത് പ്രസിഡന്‍റ് ശ്രീനിവാസന്‍റെ പ്രവൃത്തി പഞ്ചയത്തീരാജിന്‍റെ ചട്ടലംഘനമാണെന്നും അദ്ദേഹത്തിന് പ്രസിഡന്‍റ് സ്ഥാനത്തിരിക്കാൻ അർഹതയില്ലെന്നും വെൽഫെയർ പാർട്ടി മമ്പാട് പഞ്ചായത്ത് കമ്മിറ്റി. സ്റ്റാൻഡിങ്​ കമ്മിറ്റി അംഗം എം.ടി. അഹമ്മദും മർദനത്തിൽ പങ്കാളിയായി. ഇവർക്കെതിരെ നിയമനടപടികൾ വേണമെന്നും ആവശ‍്യപ്പെട്ടു. പാർട്ടി പഞ്ചായത്ത് കമ്മിറ്റി പ്രസിഡന്‍റ് ത്വാഹ മാട്ടുമ്മൽ അധ്യക്ഷത വഹിച്ചു. സെക്രട്ടറി എ. മിഖ്ദാദ്, കെ. റാഷിദ് എന്നിവർ സംസാരിച്ചു.