ഡോ. അംബേദ്കർ നാഷനൽ മെറിറ്റ് അവാർഡ് പി. ഗോപികയ്ക്ക്

ഡോ. അംബേദ്കർ നാഷനൽ മെറിറ്റ് അവാർഡ് പി. ഗോപികക്ക്​ മങ്കട: 2019ൽ പ്ലസ് ടു പരീക്ഷയിൽ ഉന്നത വിജയം കൈവരിച്ച എസ്.സി വിഭാഗത്തിലെ വിദ്യാർഥികൾക്ക് കേന്ദ്ര സർക്കാർ ഏർപ്പെടുത്തിയ ഡോ. അംബേദ്കർ നാഷനൽ മെറിറ്റ് അവാർഡിന് പടുവിൽ ഗോപിക അർഹയായി. മങ്കട ഗവ. ഹയർ സെക്കൻഡറി സ്കൂളിൽ 2017 -19 ബാച്ചിൽ സയൻസ് ഐച്ഛിക വിഷയമായി പഠിച്ച് 98.25 ശതമാനം മാർക്ക്​ നേടിയാണ് ഗോപിക അവാർഡിന് അർഹയായത്. ഇപ്പോൾ കുസാറ്റിലെ നാലാം വർഷ ഇന്‍റഗ്രേറ്റഡ് എം.എസ്​സി ഫിസിക്സ് വിദ്യാർഥിനിയാണ്. പടിഞ്ഞാറ്റുമുറി ബി.എഡ് കോളജ് പ്രിൻസിപ്പൽ ഗോപാലൻ മങ്കട, തിരുവാലി ഗവ. ഹൈസ്കൂൾ സംസ്കൃതം അധ്യാപിക കെ.പി. നിഷ എന്നിവരാണ് മാതാപിതാക്കൾ. ചിത്രം : MC MNGD Gopika markada