വളാഞ്ചേരി ദേശീയപാതയിൽ രണ്ട് അപകടം

കാവുംപുറത്തും റിലയന്‍സ് പമ്പിന് സമീപവുമാണ്​ അപകടം വളാഞ്ചേരി: ദേശീയപാതയിൽ വളാഞ്ചേരിയിൽ രണ്ടിടത്ത്​ വാഹനാപകടം. കാവുംപുറത്ത് കാറുകള്‍ കൂട്ടിയിടിച്ചും റിലയന്‍സ് പമ്പിന് സമീപം ഓട്ടോയും കാറും കൂട്ടിയിടിച്ചുമാണ് അപകടം. അപകടത്തില്‍ ആര്‍ക്കും ഗുരുതര പരിക്കില്ല. ബുധനാഴ്ച വൈകീട്ട്​ മൂന്നോടെയാണ് അപകടമുണ്ടായത്. കാവുംപുറത്തുനിന്ന്​ കോഴിക്കോട്ടേക്ക് പോവുകയായിരുന്ന കാറും എതിര്‍ദിശയില്‍ വന്ന കാറുമാണ് കൂട്ടിയിടിച്ചത്. അപകടത്തില്‍ നിസ്സാര പരിക്കുപറ്റിയ യാത്രക്കാരെ വളാഞ്ചേരി നടക്കാവില്‍ ആശുപത്രിയില്‍ പ്രവേശിപ്പിച്ചു. അപകടത്തില്‍ ഇരുവാഹനത്തിന്‍റെയും മുന്‍ഭാഗം പൂര്‍ണമായി തകര്‍ന്നു. വളാഞ്ചേരി പൊലീസ് സ്ഥലത്തെത്തി നടപടി സ്വീകരിച്ചു. MP VNCY 5 Valanchery Accident.jpg: വളാഞ്ചേരി-കോഴിക്കോട് റോഡിൽ റിലയന്‍സ് പമ്പിന് സമീപം ഓട്ടോയും കാറും കൂട്ടിയിടിച്ചുണ്ടായ അപകടം