ഒല​വക്കോട്​ റെയിൽവേ സ്​റ്റേഷനിൽ വൻ സ്വർണ വേട്ട; ഒരാൾ പിടിയിൽ

പാലക്കാട്: ഒലവക്കോട്​ റെയിൽവേ സ്റ്റേഷനിൽ ആർ.പി.എഫിന്‍റെ നേതൃത്വത്തിൽ വൻ സ്വർണ വേട്ട. ട്രെയിനിൽ കടത്തിയ 972.210 ഗ്രാം സ്വർണവുമായി തൃശൂർ ചോരൂർ സ്വദേശി സനോജിനെ ​(39) ബുധനാഴ്ച ആർ.പി.എഫ്​ കസ്റ്റഡിയിലെടുത്തു​. ഇയാളെ ജി.എസ്.ടി എൻഫോഴ്സ്മെന്‍റിന്​ കൈമാറി. ഒലവക്കോട്​ റെയിൽവേ സ്റ്റേഷനിൽ ആർ.പി.എഫ്​ നടത്തിയ പരിശോധനയിലാണ്​ ചെന്നൈ -മംഗലാപുരം എക്സ്​പ്രസിൽ നിന്ന്​ സ്വർണം കണ്ടെടുത്തത്​. രേഖകളൊന്നും സനോജിന്‍റെ കൈവശം ഉണ്ടായിരുന്നില്ലെന്ന്​ ആർ.പി.എഫ്​ എ.എസ്​.ഐ സജി അഗസ്റ്റിൻ പറഞ്ഞു. 871 ഗ്രാം 24 കാരറ്റ് തങ്കക്കട്ടിയും 100 ഗ്രാം ആഭരണങ്ങളുമാണ്​ കണ്ടെടുത്തത്​. ചെന്നൈയിൽനിന്ന് ട്രെയിൻ വഴി തൃശൂരിലേക്ക്​ കടത്താനായിരുന്നു പദ്ധതിയെന്ന്​​ സനോജ്​ മൊഴി നൽകി. സ്വർണത്തിന് 50 ലക്ഷത്തോളം രൂപ വില വരും. പാലക്കാട്‌ ആർ.പി.എഫ്​ സി.ഐ സൂരജ് എസ്. കുമാർ, എസ്.ഐ യു. രമേഷ് കുമാർ, എ.എസ്​.ഐമാരായ സജി അഗസ്റ്റിൻ, ഹെഡ് കോൺസ്റ്റബ്​ൾ സാജുകുമാർ എന്നിവർ പരിശോധന സംഘത്തിലുണ്ടായിരുന്നു. pkg gold ചെന്നൈ -മംഗലാപുരം എക്സ്​പ്രസിൽനിന്ന്​ പിടികൂടിയ സ്വർണവുമായി ആർ.പി.എഫ്​ സംഘം