ഇ.എം.എസ് ആശുപത്രിയിൽ മുലയൂട്ടൽ വാരാചരണം

പെരിന്തൽമണ്ണ: ലോക മുലയൂട്ടൽ വരാഘോഷത്തോടനുബന്ധിച്ച് പെരിന്തൽമണ്ണ ഇ.എം.എസ് മെമ്മോറിയൽ സഹകരണ ആശുപത്രിയിലെ പീഡിയാട്രിക് വിഭാഗത്തിന്‍റെയും കോളജ് ഓഫ് നഴ്സിങ്ങിന്‍റെയും സംയുക്ത ആഭിമുഖ്യത്തിൽ ബോധവത്കരണ ക്ലാസും മൈം ഷോയും നടത്തി. ബോധവത്​കരണ ക്ലാസ്​ ആശുപത്രി ചെയർമാൻ ഡോ. എ. മുഹമ്മദ്‌ ഉദ്ഘാടനം ചെയ്തു. മെഡിക്കൽ സൂപ്രണ്ട് ഡോ. കെ. മോഹൻദാസ് അധ്യക്ഷത വഹിച്ചു. പീഡിയാട്രീഷ്യൻ ഡോ. കെ.എം.എ ഷുക്കൂർ വിഷയം അവതരിപ്പിച്ചു. മുലയൂട്ടൽ മൂലം അമ്മമാർക്ക് ഉണ്ടാകുന്ന ഗുണങ്ങളെക്കുറിച്ച് ഡോ. എം.ആർ. സന്ധ്യ സംസാരിച്ചു. ആശുപത്രി ഡയറക്ടർ ടി.കെ. കരുണാകരൻ, വൈസ് പ്രിൻസിപ്പൽ കിഷോർ കുമാർ, ചീഫ് പീഡിയാട്രീഷ്യൻ ഡോ. എം.എം. രാംദാസ്, ജനറൽ മാനേജർ എം. അബ്ദുന്നാസിർ എന്നിവർ സംസാരിച്ചു. കോളജ് ഓഫ് നഴ്സിങ്ങിലെ വിദ്യാർഥികൾ മുലയൂട്ടലിന്‍റെ പ്രാധാന്യത്തെക്കുറിച്ചുള്ള ഗാനങ്ങളും മൈം ഷോയും അവതരിപ്പിച്ചു.