'അനധികൃത ഓട്ടോകൾക്കെതിരെ നടപടി വേണം'

വളാഞ്ചേരി: ഗതാഗത നിയമങ്ങൾ പാലിക്കാതെ സർവിസ് നടത്തുകയും അമിത നിരക്ക്​ ഈടാക്കുകയും ചെയ്യുന്ന ഓട്ടോറിക്ഷകൾക്കെതിരെ നടപടി സ്വീകരിക്കണമെന്ന്​ വളാഞ്ചേരി മോട്ടോർ കോഓഡിനേഷൻ യോഗം ആവശ്യപെട്ടു. അനധികൃത വാഹനങ്ങളുടെ ആധിക്യം മൂലം ടൗണിൽ ഗതാഗതക്കുരുക്ക്​ പതിവായതായി യോഗം വിലയിരുത്തി. ഇതുസംബന്ധിച്ച്​ അധികൃതർക്ക്​ പരാതി നൽകി. ചെയർമാൻ എം.വി. ബാലൻ അധ്യക്ഷത വഹിച്ചു. മുഹമ്മദലി നീറ്റുകാട്ടിൽ, എം. ജയകുമാർ, വാസു, അബൂബക്കർ, കെ. ഷാജിമോൻ, ഐ. അബ്ദു, എം.പി. ഷാഹുൽ ഹമീദ് ഹരിദാസൻ എന്നിവർ സംസാരിച്ചു. ചെയർമാനായി മുഹമ്മദലി നീറ്റുകാട്ടിലിനെ (എസ്.ടി.യു) തെരഞ്ഞെടുത്തു.