ലിബറലിസം വിദ്യാർഥികളിൽ അടിച്ചേൽപിക്കരുത് -എം.എസ്.എം

മഞ്ചേരി: ആൺകുട്ടികളെയും പെൺകുട്ടികളെയും ഒരുമിച്ചിരുത്തിയും സ്കൂൾ യൂനിഫോം ജെൻഡർ ന്യൂട്രൽ ആക്കിയും ലിബറൽ ആശയങ്ങളെ ചെറിയ പ്രായത്തിൽതന്നെ വിദ്യാർഥികളിൽ അടിച്ചേൽപിക്കാനുള്ള ശ്രമങ്ങൾക്ക് നേതൃത്വം നൽകുന്നതിൽനിന്ന്​ സർക്കാർ പിൻവലിയണമെന്ന് എം.എസ്.എം മലപ്പുറം ഈസ്റ്റ്‌ ജില്ല സംഘടിപ്പിച്ച മലപ്പുറം ഏരിയ പ്രവർത്തക കൺവെൻഷൻ 'ഡിഫൈൻ' ആവശ്യപ്പെട്ടു. മഞ്ചേരിയിൽ നടന്ന പരിപാടി കെ.എൻ.എം മർക്കസുദ്ദഅ്‌വ ജില്ല ജോയന്‍റ്​ സെക്രട്ടറി വി.ടി. ഹംസ ഉദ്ഘാടനം ചെയ്തു. ജില്ല പ്രസിഡന്‍റ്​ ശഹീർ പുല്ലൂർ അധ്യക്ഷത വഹിച്ചു. എം.എസ്.എം സംസ്ഥാന പ്രസിഡന്‍റ്​ ജസീം സാജിദ് മുഖ്യാതിഥിയായി. സംസ്ഥാന ഭാരവാഹികളായ സമാഹ് ഫാറൂഖി, ഡാനിഷ് തെരട്ടമ്മൽ, ജില്ല സെക്രട്ടറി ഫഹീം ആലുക്കൽ, റോഷൻ പൂക്കോട്ടുംപാടം, ജൗഹർ കെ. അരൂർ, സഹൽ മുബാറക്, മുഹ്‌സിൻ കുനിയിൽ, ജംഷാദ് എടക്കര, അജ്മൽ കൂട്ടിൽ, മുഹൈമിൻ വാഴക്കാട് എന്നിവർ സംസാരിച്ചു.