പഴയന്നൂരിൽനിന്ന് കാണാതായ ശ്രീലങ്കൻ യുവതിയും മക്കളും സ്വദേശത്തെത്തി

പഴയന്നൂർ: കോടത്തൂരിലെ ഭർതൃവീട്ടിൽനിന്ന് കാണാതായ ശ്രീലങ്കൻ യുവതിയും മക്കളും സ്വദേശത്തെത്തി. കോടത്തൂർ നമ്പ്രത്ത് സുജിത്തിന്‍റെ ഭാര്യയും ശ്രീലങ്കൻ സ്വദേശിനിയുമായ ശാന്തിനി നയനയും (30) നാല് വയസ്സുള്ള പെൺകുട്ടിയും രണ്ടര വയസ്സായ ആൺകുട്ടിയും സുരക്ഷിതരായി ശ്രീലങ്കയിലെ വീട്ടിലെത്തിയതായി ഭർത്താവ് സുജിത്തിനെ ഫോൺ വിളിച്ചറിയിച്ചു. ഇക്കഴിഞ്ഞ 20ന് പുലർച്ചയാണ് ഇവരെ കാണാതാവുന്നത്. ഇതേ തുടർന്ന് ഭർതൃമാതാവ് പഴയന്നൂർ പൊലീസിൽ പരാതി നൽകിയിരുന്നു. സുജിത് കുവൈത്തിലാണ്. കോടത്തൂരിൽ ഭർതൃമാതാവിനോടൊപ്പമാണ് ഇവർ താമസിച്ചിരുന്നത്. ആരോടും പറയാതെ ഭർതൃവീട്ടിൽനിന്ന് പോകാനുള്ള കാരണം അറിവായിട്ടില്ല.