ലോറിയിൽനിന്ന് ഷീറ്റ് കാറിന് മുകളിലേക്ക് വീണ് അപകടം

കുന്നംകുളം: സുരക്ഷിതമില്ലാതെ മിനി പിക്​അപ് ലോറിയില്‍ കൊണ്ടുപോകുകയായിരുന്ന തകരഷീറ്റ് മുന്നില്‍പോയ കാറിന് മുകളിലേക്ക് തെന്നി വീണു. കുന്നംകുളം-ഗുരുവായൂര്‍ റോഡിലെ ഗേള്‍സ് സ്‌കൂളിന് സമീപമാണ് സംഭവം. പിക്​അപ് ലോറിയുടെ ഡ്രൈവര്‍ ബ്രേക്ക് പിടിച്ചതോടെ ലോറിയിലുണ്ടായിരുന്ന ഷീറ്റ് മുന്നിലെ കാറിന്റെ മുകളിലേക്ക് വീഴുകയായിരുന്നു. കാറിന്റെ മുകള്‍വശത്ത് കേടുപാടുകള്‍ സംഭവിച്ചു. തലനാരിഴയ്ക്കാണ് യാത്രക്കാര്‍ രക്ഷപ്പെട്ടത്. റോഡില്‍ ഭാഗികമായി ഗതാഗതം തടസ്സപ്പെട്ടു.