പി.കെ. ദാസ് ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് അക്കാദമി ബ്ലോക്ക് തുറന്നു

വാണിയംകുളം: പി.കെ. ദാസ് ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് അക്കാദമി ബ്ലോക്കും 2016 എം.ബി.ബി.എസ് ബാച്ചിന്റെ ബിരുദദാന ചടങ്ങും ഗോവ ഗവര്‍ണര്‍ അഡ്വ. പി.എസ്. ശ്രീധരന്‍ പിള്ള ഉദ്​ഘാടനം ചെയ്തു. പി.കെ. ദാസ് ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് ഡയറക്ടര്‍ (ഓപറേഷന്‍സ്) ഡോ. ആര്‍.സി. കൃഷ്ണകുമാര്‍ സ്വാഗതം പറഞ്ഞു. നെഹ്‌റു ഗ്രൂപ് ഓഫ് ഇന്‍സ്റ്റിറ്റ്യൂഷന്‍ ചെയര്‍മാനും മാനേജിങ്​ ട്രസ്റ്റിയുമായ അഡ്വ. ഡോ. പി. കൃഷ്ണദാസ് അധ്യക്ഷത വഹിച്ചു. പി. മമ്മിക്കുട്ടി എം.എല്‍.എ, കേരള യൂനിവേഴ്‌സിറ്റി ഓഫ് ഹെല്‍ത്ത് സയന്‍സസ് വൈസ് ചാന്‍സലര്‍ ഡോ. മോഹനന്‍ കുന്നുമ്മല്‍, നെഹ്‌റു ഗ്രൂപ് ഓഫ് ഇന്‍സ്റ്റിറ്റ്യൂഷന്‍സ്​ സി.ഇ.ഒയും സെക്രട്ടറിയുമായ ഡോ. ജ. കൃഷ്ണകുമാര്‍, ട്രസ്റ്റി ഡോ. പി. തുളസി എന്നിവര്‍ സന്നിഹിതരായിരുന്നു. 2016 ബാച്ചിലെ എം.ബി.ബി.എസ്​ ഒന്നാം റാങ്ക് പി.കെ. ദാസ്​ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസിലെ ഡോ. റോസ് ക്രിസ്റ്റി കരസ്ഥമാക്കിയതില്‍ അഭിമാനമുണ്ടെന്നും നെഹ്‌റു ഗ്രൂപ് ഓഫ് ഇന്‍സ്റ്റിറ്റ്യൂഷന്‍സിന്​ കീഴിലുള്ള എല്ലാ വിദ്യാഭ്യാസ സ്ഥാപനങ്ങളും മികച്ചവയാണെന്നും അഡ്വ. പി.എസ്. ശ്രീധരന്‍ പിള്ള പറഞ്ഞു. ഡോക്ടര്‍മാര്‍ക്കുള്ള സര്‍ട്ടിഫിക്കറ്റ് വിതരണവും അദ്ദേഹം നിര്‍വഹിച്ചു. PK DAS - news photo: പി.കെ. ദാസ് ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് അക്കാദമി ബ്ലോക്കും 2016 എം.ബി.ബി.എസ് ബാച്ചിന്റെ ബിരുദദാന ചടങ്ങും ഗോവ ഗവര്‍ണര്‍ അഡ്വ. പി.എസ്. ശ്രീധരന്‍ പിള്ള ഉദ്​ഘാടനം ചെയ്യുന്നു