പൊതുശ്മശാനത്തിൽ മാലിന്യപ്ലാന്‍റ്​ നിർമിക്കുന്നത്​ തടഞ്ഞു

തിരുനാവായ: പഞ്ചായത്തിൽ 11ാം വാർഡിലെ ബന്ദർ പാതയോരത്ത് സ്ഥിതി ചെയ്യുന്ന പഞ്ചായത്ത് പൊതുശ്മശാനത്തിൽ മാലിന്യ പ്ലാന്‍റ്​ നിർമിക്കാനുള്ള നീക്കം ബി.ജെ.പി പ്രവർത്തകർ തടഞ്ഞ് പഞ്ചായത്ത് സെക്രട്ടറിക്ക് പരാതി നൽകി. ഇതേതുടർന്ന് നിർമാണം താൽക്കാലികമായി നിർത്തിവെച്ചു. പഞ്ചായത്തിലെ അഞ്ച് പട്ടികജാതി കോളനികളിലുള്ളവർക്ക് പ്രയോജനപ്പെടുന്ന ശ്മശാനത്തിന് മാലിന്യനിർമാണ പ്ലാന്‍റ്​ ദോഷം ചെയ്യുമെന്ന് സമരക്കാർ ചൂണ്ടിക്കാട്ടി. മണ്ഡലം ജനറൽ സെക്രട്ടറി ഷിജു, വൈസ് പ്രസിഡന്‍റ്​ രഘുപാൽ, കെ. പ്രമോദ്, രാജൻ, ഷണ്മുഖൻ, വി.പി. രാജൻ എന്നിവർ നേതൃത്വം നൽകി.