നിറത്തിന്‍റെ പേരിൽ ആരെയും അധിക്ഷേപിക്കരുത്​​ -സാദിഖലി തങ്ങൾ

മലപ്പുറം: മുൻ മന്ത്രിയും സി.പി.എം നേതാവുമായ എം.എം. മണിക്കെതിരെ പി.കെ. ബഷീർ എം.എൽ.എ നടത്തിയ പരാമർശത്തിനെതിരെ മുസ്​ലിം ലീഗ്​ സംസ്ഥാന പ്രസിഡന്‍റ്​ പാണക്കാട്​ സാദിഖലി ശിഹാബ്​ തങ്ങൾ. നിറത്തിന്‍റെ പേരിൽ ആരെയും അധിക്ഷേപിക്കുന്നത് ശരിയല്ലെന്ന്​ അദ്ദേഹം പറഞ്ഞു. ആദരവും സഹിഷ്ണുതയും പുലർത്തി മാത്രമേ സംസാരിക്കാവൂ. നേതാക്കൾ വ്യക്തിപരമായ അധിക്ഷേപത്തിലേക്ക് പോകരുത്​. ഇതിനായി പ്രാസംഗികർക്കായി മുന്നറിയിപ്പ് നൽകിയിട്ടുണ്ടെന്നും സാദിഖലി തങ്ങൾ മലപ്പുറത്ത്​ മാധ്യമ പ്രവർത്തകരോട്​ പറഞ്ഞു.