സക്കറിയാസ് മാര്‍ പോളീകാര്‍പ്പോസ്: സൗഹൃദം നിലനിര്‍ത്താൻ പരിശ്രമിച്ച നേതാവ്​ -സാദിഖലി തങ്ങൾ

മലപ്പുറം: സമുദായങ്ങള്‍ക്കിടയില്‍ സൗഹൃദം നിലനിര്‍ത്താനും സ്നേഹബന്ധം ഊട്ടിയുറപ്പിക്കാനും ആത്മാർഥമായി പരിശ്രമിച്ച നേതാവാണ്​ യാക്കോബായ സഭ മെത്രാപോലീത്ത സക്കറിയാസ് മാര്‍ പോളീകാര്‍പ്പോസെന്ന്​ മുസ്‌ലിംലീഗ് സംസ്ഥാന പ്രസിഡന്‍റ്​ പാണക്കാട് സാദിഖലി ശിഹാബ് തങ്ങള്‍. മുസ്‌ലിംലീഗ്​ നേതൃത്വത്തില്‍ നടക്കുന്ന സുഹൃദ് സംഗമത്തില്‍ എറണാകുളത്ത് പങ്കെടുത്ത അദ്ദേഹം മതസൗഹാർദം ഊട്ടിയുറപ്പിക്കാനുള്ള ശ്രമങ്ങള്‍ക്ക് എല്ലാ പിന്തുണയും വാഗ്ദാനം ചെയ്തിരുന്നു. അദ്ദേഹം ഉയര്‍ത്തിപ്പിടിച്ച മൂല്യങ്ങളും ആശയങ്ങളും മതസൗഹാര്‍ദ കേരളത്തിന് വെളിച്ചമാണെന്നും സാദിഖലി തങ്ങൾ പറഞ്ഞു.