വായനവാരാചരണത്തിന് തുടക്കം

തിരൂരങ്ങാടി: വായന വാരാചരണത്തിന് വാളക്കുളം കെ.എച്ച്.എം.എച്ച്.എസ്.എസിൽ തുടക്കം. സ്കൂളിലെ ദേശീയ ഹരിതസേനയുടെയും ഫോറസ്ട്രി ക്ലബിന്റെയും ആഭിമുഖ്യത്തിലാണ് വാരാചരണത്തിന് ആരംഭം കുറിച്ചത്. കോഴിച്ചെന ക്ലാരിയിലെ പൊലീസ്​ ക്യാമ്പിൽ നടന്ന സായാഹ്ന സദസ്സ് ശ്രീജിത്ത് അരിയല്ലൂർ ഉദ്ഘാടനം ചെയ്തു. ക്യാമ്പിനുള്ള സ്കൂളിന്റെ സ്നേഹോപഹാരം എസ്.ഐ ജയേഷ് ഡാനിയൽ ഏറ്റുവാങ്ങി.