പ്രവേശനോത്സവവും അവാർഡ് ദാനവും

താനൂർ: ഐ.സി.എച്ച് സ്കൂൾ താനൂർ മോണ്ടിസോറി ആൻഡ്​ ഹെവൻസ് പ്രവേശനോത്സവവും എസ്.എസ്.എൽ.സി, എൽ.എസ്.എസ് അവാർഡ് ദാനവും മീഡിയവൺ പതിനാലാം രാവ് ഫെയിം ഷഹജ ഉദ്ഘാടനം ചെയ്തു. ട്രസ്റ്റ് ചെയർമാൻ എം.എം. അബ്ദുന്നാസർ അധ്യക്ഷത വഹിച്ചു. വാർഡ് കൗൺസിലർ നാസിറ സിദ്ദീഖ്, മാനേജിങ്​ കമ്മിറ്റി സെക്രട്ടറി യു.എൻ.സിദ്ദീഖ്, പി.ടി.എ പ്രസിഡന്‍റ്​ ജാഫർ കാരാട്, എം.പി.ടി.എ പ്രസിഡന്‍റ്​ സാബിറ എന്നിവർ സംസാരിച്ചു. എസ്.എസ്.എൽ.സി പരീക്ഷയിൽ മികച്ച വിജയം കരസ്ഥമാക്കിയവർക്ക്​ ഉപഹാരം നൽകി. ട്രസ്റ്റ് പ്രതിനിധികളായ അബൂബക്കർ, വി.വി.കെ. കുഞ്ഞിക്കോയ, എം.സി. അബൂബക്കർ, വി.പി.ഒ. അബ്ദുറഹ്മാൻ, സി.പി. മുഹമ്മദ്, സുബൈദ, മോണ്ടിസോറി ഹെഡ് ഷംല, ഹെവൻസ് ഹെഡ് മുബീന എന്നിവർ സംബന്ധിച്ചു. ഷഹജയുടെ ഗാനവിരുന്നും വിദ്യാർഥികളുടെ കലാപരിപാടികളും അരങ്ങേറി. ഹെഡ്മാസ്റ്റർ വി.വി.എൻ. മുഹമ്മദ് അഫ്താഹ് സ്വാഗതവും സ്റ്റാഫ് സെക്രട്ടറി കെ. മുഫീദ നന്ദിയും പറഞ്ഞു.