ക്ഷേമഫണ്ടുകളുടെ വിനിയോഗം പട്ടികജാതി വകുപ്പിനെ ഏല്‍പിക്കണം -കെ.ഡി.എഫ്

മലപ്പുറം: പട്ടികജാതി-വര്‍ഗ ക്ഷേമഫണ്ടുകളുടെ വിനിയോഗം പട്ടികജാതി വകുപ്പിനെ ഏല്‍പിക്കണമെന്ന്​ കെ.ഡി.എഫ് സംസ്ഥാന ജനറല്‍ സെക്രട്ടറി ചോലയില്‍ വേലായുധന്‍ ആവശ്യപ്പെട്ടു. കേരള ദലിത് ഫെഡറേഷന്‍ (കെ.ഡി.എഫ്) ജില്ല കമ്മിറ്റി സംഘടിപ്പിച്ച അയ്യന്‍കാളി സ്മൃതിദിനം ഉദ്ഘാ​ടനം ചെയ്യു​കയായിരുന്നു അദ്ദേഹം. കെ.ഡി.എഫ് മലപ്പുറം ജില്ല പ്രസിഡന്റ് രാജന്‍ മഞ്ചേരി അധ്യക്ഷത വഹിച്ചു. ജില്ല ജനറല്‍ സെക്രട്ടറി സുബ്രഹ്മണ്യന്‍ പാണ്ടിക്കാട്, ശ്രീകുമാര്‍ കൊപ്പം, സുബ്രഹ്മണ്യന്‍ വളാഞ്ചേരി, ഷീബ പള്ളിക്കല്‍, വേലായുധന്‍ വളാഞ്ചേരി, അജയന്‍ കോട്ടക്കല്‍, സുബ്രഹ്മണ്യന്‍ ആനമങ്ങാട്, ശശീന്ദ്രന്‍, കെ.പി. സുബ്രന്‍, സി.കെ. ലിന്‍ഡോ, ഷീബ ലിന്‍ഡോ, ചന്ദ്രന്‍ ഇല്ലത്തുകുന്ന്, സരള പള്ളിക്കല്‍, വി. നിഷ, വി. ശാരദ എന്നിവര്‍ അനുസ്മരണ സന്ദേശം നല്‍കി. photo: m3 kdf അയ്യന്‍കാളി സ്മൃതിദിനത്തില്‍ കേരള ദലിത് ഫെഡറേഷന്‍ (കെ.ഡി.എഫ്)സംസ്ഥാന ജനറല്‍ സെക്രട്ടറി ചോലയില്‍ വേലായുധന്‍ പുഷ്പാര്‍ച്ചന നടത്തുന്നു .